Yohane 10:1 - Suena

¹ Yesu meni ge ego senua awa, “Na me memeka sana niniu. Zo nu lamara goma amira toyamu sero so be doro demese ena goma zausemuro bamu mokara nitinoya, nu awa bewana ema. Nu nena ewera pai ema.

Yohane 10:1 ပူးပေါင်းရင်းမြစ်များ

Matiu 7:15

Ge gipai ema opi nukare sao nusokare awa lamara ine, duba osai gege. Ata moka nusokare meni awa sunera moka ine, goroba me goroba. Are nukare uma wero baititinoise noiwo.

Yohane 10:7

Yesu meni noko sero senua awa, “Na me memeka sana niniu. Lama toitinowera amira so be awa na ewa.

Yohane 3:3

Ago senu Yesu meni ina numore ego senua awa, “Na me memeka sana gi. Zo nu kei awai seka noko kaka kei awamu wamunoya, awa nu Anutura nata gai ine tepo wamunoya.”

Roma 10:15

Noko oziga sai awa Anutu meni ema kaka tugata wero iyetamu wai, nogo wero oziga saira buara bayamunori? Ge gayai ego ine itia awa, “Oziga Ewanana sai emara te awi meni ge ninaira duba peu wai tapinowia awa.”

Roma 16:18

Ema ago ine ami Tua nasokai Kristo oko sou inowera. Nukare tama nusokare gege kotupitinoise duba-duba wai nusokare sou inowera. Ago inoise ge zozoware toise ema bama nena susu giti kaka gamu awa uzutai bua inoise etete nitinowera awa.

Titore 1:11

Ema ami wau emo duba-duba inoise ge sai ine tepo awa sero gipero ema bama mai awisore eni usi-besi inowera. Ema ago ine awa be nusokare deyo gazae.

Hibru 5:4

Bua bamu awa ema zo meni kotumai nusora oko puro wamunoya. Ema Aron nu Anutu meni puro pris bua numore senu amire bua pumunua, da ago ine Anutu meni ema zo puro pris bua numore sai amire te wamunoya.

1 Petoro 1:10

Sogawai nisokare nana kei awaise sai awa kaka kei awamure porofete meni sogawai amira ge toise noisowa awa. Ago inoise “Korawai awa nogo kei awamunoi?” ago kotumuro nukare gita me gita atata wero tamamu zewai inoise kau inoisowa awa.

2 Petoro 2:1

Isreli emara nana porofete me daba kota, porofete opi awa dai kei awero noisowa. Da ago ine nisokare nana gipai ema opi dai kei awamunora. Nukare Tuara dubu sisaira ge opi-api awa puro muro nisokare nana saitiro kei awamunora. Ago wero Tua meni nukare zuma gaenua awa begi wamunora. Ago wara ina nusokare tutamu kei awai nukare nutopekare sisamunora.

2 Petoro 2:3

Opi sai ema ami wau moni emo duba-duba inoise kotumai nusokarera opi ge meni nikare etetenitinoise nena nisokare soero pumai bua wamunora. Ata gita Anutu meni nukare ina tamarise be potinu itewia. Noko nukare sisarise senua ami gitawa oko inoya. Tepo awa. Nu sisaira be nusokare dia inoise itewia.

1 Yohane 4:1

Otao mamai naso, porofete opi dainiro zebura kei awero nowera, are ema dapikarago “Anutura Ozana naso nana itia,” ago towera amira ge ninawa me oko wae. Ozana nusokare Anutura nana ena maita asero nukare gaero gamu wewo.