Yakobo 5:11 - Suena

¹¹ Ninitinowa. Nukare yayara mokara putoure noisowa awa giro yawa sara wanekai. Ema zazo Yobe zewai nusora ge ninitinowewa. Ota noko ama Tua meni numore zamai tamuro yayara susu kereninua, awa dai ninitinowewa awa. Tua nu awa-diaire dumi yagaba bamure nowia awa.

Yakobo 5:11 ပူးပေါင်းရင်းမြစ်များ

Matiu 10:22

Nikare zazo naso puro nowewa amira ema dapikarago nimorekare tini kapaire wamunora awa. Are zo nu zewai wero dopero noma betamunoya, nu awa Anutu meni soero pamunoya.

Luka 1:50

Ara tamai nuso ema nuso nana osai itera amira nana itewia. Noko mai mamai nana dubura ago gege susawise itamunoya.

Luka 11:10

Ema isa towera ami pupinowera; ema tamaira bua inowera ami me tapinowera; ema isa meni so be dago inowera amira isa awa Anutu meni ninitinowia.

Luka 6:36

Nikare zo amai Mama nisokare meni inowia ago ine wewo.

Roma 2:4

Are Tua meni dumi yagaba nimore pupinoise ni awa-didinoise nuawi ni nogoro giro gago-giago inoise nowesi? Ni duba kapetenasise Anutu meni nimore dumi pupinowia, awa kaka giro baitamu inowesi, tanita.

Efeso 1:6

Nu Mai bou nuso emo wero sogawai nuso ewanana namorekai nupe potinua, are nu bowi wai gege wanekai.

Efeso 2:4

Ata Anutu nu awa-diai nuso witai itewia. Are nu namorekai dubara dumi bamubake puro noisonua,

Hibru 10:39

Nakai awa azu wero kapeteniro gera waira ema oko aewa. Nakai tuma didinoise dubare ititire nasokai soyai amira ema awa.

Hibru 3:14

Nakai Kristora ge awa zaawero gita nu tuma dinakai, tuma diai awa ziro baititinoise puro noma betamunonakai, awa nakai Kristore dai nena ewa-gaewa pumamunonakai.

Hibru 3:6

Ata Kristo meni awa nu soumai kota, nu Mamera Mai me noise Anutura so dia inoise nowia. So nuso nakai awa. Are awa tepo oko aewa. Nena namorekai seronai awa kei awaise sero ziro tata-tata inoise zewai wero nuamunonakai, awa dubu nuso wamunonakai.

Yakobo 1:12

Zo nu gaero gamu waira ena zewai wero nuamunoya ami yawa sara wamunoya. Nu zewai wero duba nuso me dago potai zewai wai Tua meni ina nuso potamunoya awa. Ina awa nuai me ewanana. Anutu meni ina awa ema nu ara tapinowera amire potamu seroninua awa.

Yakobo 1:2

Otao mamai naso, nisokare nana gaero gamu wai neire-neire kei awai giro saineba duba nisokare ewanana waise. Nera kota, nakai ego gosinowenakai.

1 Petoro 1:13

Are nikare kotumai nisokare sia wero duba dau wai tepo noiwo. Ago inoise Yesu Kristo kei damu nai amire utura wau pumamunowa awa tuma didinoise amira kotupitinoise noiwo.

1 Petoro 3:14

Ota nuai saramai ami emo wero iwora tame witamunowa, awa giu duba ewanana wae. Iwo nimorekare wara nikare azu oko wawe. Ota kotumai oko sisawe.

2 Petoro 2:9

Tua meni gita Lati awa-diro soero pumunua, are nakai Tuare ego gosinowenakai: nu ema bama numa tuma didinowera nukare awa etetenai beyata waira ena soero pumaira putou oko kau inowia. Noko, nu Sodomto Gomarara ema bama amira ina te potinua, are nu ema bama waya nukare yaya-buyaya tapinoise nuara Anutu meni erama awina-dawina inoise ina potamunoya be amire ge bua wero duwarise samunoya amira putou oko kau inowia, awa dai gosinowenakai.