Yakobo 2:23 - Suena

²³ Are be amire Abrahamra ge gayai ego itia awa me wenua, “Abraham nu Anutu tuma dinu numore ginu pasina tepo saramai wenua.” Are zazo nuso Anutura Otao asai.

Yakobo 2:23 ပူးပေါင်းရင်းမြစ်များ

Oziga Ewanana Mak Meni Gaenua 12:10

Nikare Anutura ge ei awa kaka azimuro gamu meni sago inowa, atonua! So wai ema meni omata zo giwa waya wenu dowa. Ata omata ami so urura zasiwi wero itewia.

Oziga Ewanana Mak Meni Gaenua 15:27

Be amire nukare bewana wai mai eto dai ni pasinai nusotora dero Yesu nana zo enibara zo enibara potiwa dopewato awa. [

Luka 4:21

nu zaawero numorekare ego senua awa, “Ge azimena ninewa amira me zeme kei awinoya.” Ago senua awa.

Aposolo 1:16

“O otao mamai naso, Yudas nu eba gita weti iwo meni Yesu pupisera amira ge nuso Ozana meni Dawidira be pumunu peu wenu ge senua, ge awa me waise sai itinua, are me wataya.

Roma 11:2

Anutu meni gita ema dubu ginu itisowa awa oko donua. Ata nikare Eliara uge ge bukura itia awa kaka azimamu inowewi, tanita? Nu Isreli ema dubu bamu awa gera potitinoise Anuture isa ego senua awa,

Roma 9:17

Anutu meni Fero ge tugata wenua awa ge bukura ego gayai itia awa, Na niso nana putou naso kerenana zazo bowire naso zebu sero bayaise sero ni ema tua potina awa.

Galata 3:22

Tua meni senu gaewa awa ego itia, “Ema bama dapikarago pasinara benai sora itewera.” Awa nakai Yesu Kristo tuma diro nowenakai ami tuma diai nasokai amira gege seronaira me panisekai sero Anutura ge ago itia awa.

Galata 3:6

Ge gayai zo ego itia awa niniwo, “Abraham nu Anutu tuma dinu giro Anutu meni nu ema saramai asenua awa.”

2 Timotire 3:16

Tuara ge gayai dapikarago awa Tuara Ozana meni kereninu gaewa kei awenua awa. Ge ami ge me susure nakai gipinowia, ata potai ge potitinowia, ata nakai sero kora wero awinowia, ata nakai etutiro nuaira ebata gipinowia.

Yakobo 2:24

Are ego gosinowa awa. Anutu nu ema zo tuma diai nusora daba ninai pasina tepo saramai oko wamunoya. Me nuso tuma diaire soremai buare ago awa gai amire pasina tepo saramai wamunoya awa.

1 Petoro 2:6

Ago tona, nera kota, ge ego gayai itia awa, Ego giu! Na omata ewanana zo sianiro urura zasiwi omata waise Zion ena potitinona. Ema zo meni nu tuma diamunoya ami oko me naire duba naire wamunoya.