Yakobo 2:14 - Suena

¹⁴ Otao mamai naso, zo nu “Na Yesu tuma didinona” asinoise soremai bua kaka wamu nuamunoya, awa tuma diai nuso meni te wamunoita? Tepo awa. Tuma diai ago ine ami nogoro nu gera waira ena soyai te wamunoi? Te kaka wamu wamunoya awa.

Yakobo 2:14 ပူးပေါင်းရင်းမြစ်များ

Matiu 5:20

Are sana niniu. Nikare lo ge gipai emare Farisayore amira etutiro nuai nusokare kaka dainamu wamunowa, awa nikare utura mokara oko toyamunowa.

Luka 3:11

Ago sewa nu numorekare ge ina ego senua awa, “Ema tama woi eto puro noya ami saineba zo poti ema tama woi tepo amire naise. Ema eni meni nena naire noma giro da ago warise.”

Luka 6:49

Ata ema ge naso niniro kaka dimamu inowia awa numa ema zo so zebura tame potiro wenua ago ine awa. Nu gita ura me kaka wamamu. Nu so amira zasiwi tame dorou wero wenua. Are ama ou wama sumuro muro so awa denu eya gowero duro sisero tepo wenua awa.” Ago senua awa.

Aposolo 15:9

Nukare Yudako ewe, nakai Yuda ewe, ago oko senua. Nukare nu tuma diwa duba nusokare sewero kora inoise namorekai wenua da ago ine numorekare wenua awa.

Aposolo 8:13

Ago wenu Simon nu da ago Anutura ge nininu me wenu ge ou gutenu nu Filipre tairo noisonua awa. Ago noinu Filip meni tani putoure wasai giro di tainitinoise noisonua awa.

Aposolo 8:21

Anutu meni duba niso gi te kaka wamu inoya. Are ni nakare tairo bua ewa wai sogo ine tepo.

Roma 2:25

Tama aiso kapaira tagi niso nana itia awa lo ge dimasa amire ni soremamunoya. Ata lo ge doinoise nuamunosa, awa tagi amu meni nuago wamunosa.

1 Korinti 15:2

Ge nimorekare tugata wena te puro ziro tata-tata inoise nuamunowa, awa Anutu meni nikare kora wamunoya. Ota nikare Oziga Ewanana awa waya-waya niniro giti agu pumuuta, ami meni awa Anutu meni nikare oko kora inowia.

1 Korinti 16:22

Zo nu duba nuso Tuara nana kaka itamu ami degara gegenai waise. O Tua nasokare, muyo.

Galata 5:13

Otao mamai, Anutu meni nikare mui amu nuawise uzumunua awa. Agoro mui amu nuai meni tamara nena amira ge dimawise kota, dubara dumi pupinoise sou ina-wa wawise nikare uzumunua awa.

Galata 5:6

Kristo Yesure dai noise tama aiso kapaire nuaita tama aiso kapai tepo nuai awa nena me tepo awa. Ata tuma diaire dumi yagaba pumai awa nena me awa.

1 Tesalonika 1:3

Tuma diai nisokare meni wawi bua me inowewa. Ota dubara dumi pai amira bua inowewa. Ota Tua nasokai Yesu Kristo be giti tuma didinoise zewai inowewa. Are duba nasokare meni Anutu Mama nasokaira benaura tani awa eyaya kotumuro numore towenakare awa.

1 Timotire 1:5

Na ego emira ago sasise tona: Tuara dubu niso nana nowera ami duba saramaire duba yawa sarare duba tuma diaire noise dubara dumi pumai tamarise.

1 Timotire 4:8

Nera kota, spot waira putou tamamu sero etete inowera ami sogawai pei-kaka tapinowera. Ata Tuara ebatara nuai amira putou tamamu sero etete inowera ami sogawai susu giti tapinowera. Nera kota, Tuara ebatara nuai amira putou meni zebura enata noma utura ena nuai tapinowia.

Titore 1:16

Nukare ego towera awa, “Nakare Anuture dai nowenakare.” Nukare be meni ago towera, ata wai nusokare meni awa Anutu begi inowia. Anutu meni nukare gawi waya inowia. Nukare ge dai ema. Nukare bua ewanana zo wai ine tepo awa.

Titore 3:8

Ge awa zasiwi zewai-zawai awa. Are ema bama Anutu tuma didinoise nowera ami kotumai nusokare bua kokopaira potiro zewai wero nuarise nine zewai wero ge me awa kerenitinoise nuasise tona. Ge me ami ge ewanana awa. Ge ami erama sorepitinowia.

Hibru 11:17

Abraham nu tuma diaire noisonua, are Anutu meni nu gaero gamu wenu nu Isaka zame potaira Anuture dirieninua. Anutu meni numore ego senua awa, “Isakara saisibuna nunekare gege dubu niso wamunora awa.” Nu oziga ge awa pumunua ami saineba mai nuso daimata awa Anuture potamu sero wenua awa.

Hibru 13:9

Nena naira potai ge dimai amira ebata patitinoisowa ami sogawai zo kaka tamamu wewa awa. Are ge tebe-tabe dana seka awa nimorekare tugata wara ami duba nisokare oko sisaise. Duba nisokare awa nena naira potai ge meni kota, Tuara awa-diai meni koinai zewai wero itai ewanana wamunoya.

Yakobo 1:16

Otao mamai naso, etetenai awa Anutu nana ena tupewia ago sara gawa me oko wae.

Yakobo 2:18

Ota zo meni namore ego samunoya awa, “Ni tuma diai niso nana itia, ota nane meni awa soremai bua naso nana itia.” Zo meni ago sai na ego samunona awa, “Ota ni soremai bua kaka wamu inoise tuma diai nisora susu awa gipe gane. Ota nane meni awa soremai bua inoise tuma diai nasora susu awa te nimore gipamunona awa.” Ago samunona awa.

Yakobo 2:26

Are tuma diaira susu ego ine itia ewa: Tama aiso ozana tepo wawi betero isasa inowia, da ago ine tuma diai meni soremai bua tepo awa isasa ine inowia awa.

2 Petoro 1:5

Ami emo nikare zewai wero etutiro nuai awa tuma diai nisokarera susumuro puro noiwo. Ago wero kotumai ewanana awa etutiro nuai nisokarera susumuro puro noiwo.