Roma 5:5 - Suena

⁵ Ge amira me tuma didinoise dia nowenakai amira menai oko itia. Nera kota, Ozana namorekai potinua ami Anutura dubara dumi awa kerenawi gosinowenakai. Are nena namorekai potamu seroninua awa duamunoita asero duba eto oko inowenakai.

Roma 5:5 ပူးပေါင်းရင်းမြစ်များ

Aposolo 10:45

Ago wenu Yuda ema ge ninai Petorore dai bamuwa nukare Anutu meni ema Yudakore dai Ozana potinua awa giro di tainiwa awa.

Aposolo 2:17

Anutu meni toya awa, Noma zebura be pesunitinuai na Ozana naso potana wa boruza ine wero osero ema dapikarago amira nana mokara toyamunoya. Mai mamatanare babumanare nisokare meni porofete meni sago wamunora. Mai mamatana nisokare meni seka itise atua ine wero nena me gamunora. Ema zezewenai nisokare meni atua me wamunora.

Aposolo 2:33

Anutu Mama nusora zumai meni zumi witiro Anutura wana mera arumi Mama meni Ozana potamu senua, awa numore poti puro tani ninitinoise gosinowa awa weti kei awetia.

Roma 1:7

Nikare Roma nate nowewa ami Anutura zawa sai awa niniro dubu nuso wero nuawewa nikare awa ara tapinowia, are na nimorekare ge ei awa gainona. Mama nasokai Anutu ata Tua Yesu Kristo nusoto nana ena dumi yagabare duba-ozaire semu nisokare nana niro itaise.

Roma 8:28

Nakai ego gosinonakai awa. Nakai Anutu ara tapinowenakai, nakai awa nena bamubamu dapikarago meni kei awinoise korawai nasokai soga wero baititinowia awa. Nakai awa Anutu meni uzumamu sero ginu itisonakai, are nakai awa uzumunua awa.

Roma 9:33

Amira ge gayai ego itia awa, Ei giu! Na Zion nate ena omata zo potitinona amira te nusokare gayamunora. Omata amira te gaero duwamunora. Ata zo nu nu awa tuma diamunoya ami oko menamunoya awa.

1 Korinti 8:3

Zo nu Anutu ara tapinowia nu awa Anutu meni gawi mai nuso inowia awa.

2 Korinti 3:18

Nakai ge ninai dapikarago awa giti benau nasokai gogowaira mo tepo awa, are Tuara zasimai meni nakai gayawi benau nasokai meni zasimai nuso awa asisi meni pipiri-pipiri wago inowia. Are nakai Tuara zasimai ua inoise nuawenakai Ozana nuso meni nakai soremawi Tua ine kei awerota kei awero ago ami susawewenakai.

2 Korinti 4:6

Anutu nu gita susura ena zebura mumera ena zasimai kei awaise senu kei awenua da ami senu duba nasora ena zasimai meni zasimunua. Zasimaira susu ego ewa: Na Kristora giti benau gosinoise Anutura simai zasimaire giro baitina awa.

Galata 4:6

Nakai mai matere bamere nuso wero nowenakai, are Anutu meni Mai nusora Ozana iyetawi osero duba nasokaira toiro ego zawa towia awa, “O Mama kokopai.”

Galata 5:22

Ozana meni me ego ine tamawi kei awinowia awa: dubara dumi pai, duba yawa sarare, bega puro nuai, awa-diaire, dumi yagaba, kora-makora wai, tani me gege inoise nuai,

Efeso 1:13

Are nikare da ago ine wewa awa. Nikare ge me niniwa, awa Oziga Ewanana nikare korawenua amire tona awa. Nikare ge awa niniro puro poti dube nitinoise Kristo tuma diwa Anutu meni Ozana namorekai seronai awa potinu pumuwa dubu nuso saore gosinowia awa.

Efeso 4:30

Anutura Ozana amire duba nai oko tamawe. Nune ami Anutu meni nakai be bamura ena saore gaise sero duba nasokaira owe wenua awa.

Filipai 1:20

Agoro menai oko tamamunona, awa gosinona. Na zewai wero tupewena ago ine i-susawiamunona. Na nuamunonita betamunoni, awa saineba, tama aiso nasora ena Kristo bowi wamunora, awa gosinona.

1 Tesalonika 4:8

Are zo nu ge awa azu samunoya, awa nu eramara ge kota, Anutu Ozana nuso nimorekare potawi pupinowewa amira ge azu samunoya.

2 Tesalonika 2:16

Tua nasokai Yesu Kristo nu nutope ata Anutu Mama nasokai, nu nakai emo zo bamubake amuro nakai soga inoise uzutai itai gege itai, o tuma diai kokopai awa namorekai potinua, nu ami

2 Timotire 1:12

Na ami emo yayara tame nowena awa. Ago inoise me oko nitinowena. Na tuma didinowena numore duba eto oko inowena. Tepo awa. Na ego ine gosinowena: Nu putoure meni bua namore potinua, bua awa te dia inuai be bamu mamunoya awa.

1 Yohane 4:19

Anutu meni gita namorekai dubara dumi pumunua, are nakai dubara dumire dai nowenakai awa.