Oziga Ewanana Mak Meni Gaenua 2:28 - Suena

²⁸ Are na Emara Mai meni nena dapikaragora Tua wero nowena ami Sabat pura amira Tua dai wero nowena.” Ago senua awa.

Oziga Ewanana Mak Meni Gaenua 2:28 ပူးပေါင်းရင်းမြစ်များ

Matiu 12:8

Na Emara Mai meni Sabat pura amira Tua wero nowena awa.” Ago senua awa.

Oziga Ewanana Mak Meni Gaenua 2:27

Ago sero susumuro ego senua awa, “Anutu meni Sabat pura ami erama sogawaise potinua. Ata erama meni Sabat pura awa sogawarise oko potinua.

Oziga Ewanana Mak Meni Gaenua 3:1

Yesu meni yere ibura noko toiro ema zo wana amai ami ago itinu tamunua.

Oziga Ewanana Mak Meni Gaenua 3:4

Ago sero nu numorekare ego senua awa, “Nakai tani ewanana Sabat purare wanakai te wamunoita, tani waya wanakai te wamunoi? Ota nakai erama soremanakai kokopai wara te wamunoita, ema sisanakai betara te wamunoi?” Ago senua, ata nukare usero itiwa.

Luka 6:5

Ago sero susumuro numorekare ego senua awa, “Na Emara Mai meni Sabat pura amira Tua wero nowena.” Ago senua awa.

Yohane 5:17

Ago wewa Yesu meni ego senua awa, “Mama naso nu bua wai gege inoise nowia, are na da ago ine bua inona.” Ago senua awa.

Yohane 9:14

Yesu meni zebu dawero emara giti mokara anenu keenua, awa Sabat pura amire wenua.

Yohane 9:16

Ago senu Farisayo eni meni ego sewa awa, “Ema awa Sabat purara ge sai zewai wai awa doinoya, are nu Anutura nana ena oko munua.” Ota nusokare nana eni meni ego sewa awa, “Nu ema waya nuami sia, awa tani putoure ago ine oko wamia.” Ago toise ge ina-sa wero zazaumuwa awa.

Efeso 1:22

Anutu meni nena bamubamu dago Kristora nana duru potiro dubu nuso nakai emo nena bamubamu amira giti kopi awa numa potinua awa.

Kereninua 1:10

Ago itina Tuara pura kei awenu Ozana meni duba naso pumunu naso nana atune ena ge awi zo so meni sago wenu ninina awa.