Oziga Ewanana Mak Meni Gaenua 15:24 - Suena

²⁴ Nukare nu ni pasinaira niri meni dero potiwa. Potiro mo nuso kanowamu sero, agai meni mo zo pamunoi, asero ozina laki wero mo nuso kanowewa awa.

Oziga Ewanana Mak Meni Gaenua 15:24 ပူးပေါင်းရင်းမြစ်များ

Luka 23:34

Ago wewa Yesu meni ego senua awa, “O Mama, nukare susu naso kaka gamu inoise tani ewa inoraya ni pasina nusokare do.” Ago senu nukare tama woi nuso awa kanowero pumaira kotumuro ozina laki wewa.

Aposolo 2:23

Nukare Yesu puro wana nisokarera potamunora, awa Anutu meni emoko ago ine warise senu zewai wenua. Noko emoko ginu te wenua. Are ebata senua te nikare Yesu betaise sero ema Yudara lo ge ninai tepo amira wanera potewa ni pasinaira detera betisia awa.

Aposolo 5:30

Nikare Yesu ni pasinaira detewa betisia, nu awa apipie nasokaira Anutu meni awa-uzesi seka wero erisia awa.

2 Korinti 5:21

Kristo nu pasina tepo. Ata Anutu meni nakai emo pasina nasokaira ina mou-mau awa Kristora nana potinu dimunua awa. Awa nakai Kristora nana susumuro Anutura saramai dubu wanisekai ago ine wenua awa.

Galata 3:13

Ge gayai zo ego itia awa, “Ema nira ikokonai nukare awa warura seronai.” Are Kristo nu nakai emo inoise waru dimunua awa. Ago inoise nakai lo gera waru amira ena soenua awa.

1 Petoro 2:24

Pasina nasokai meni tama ipu nusora witinu nu nutope dimuro puro ni pasinaira potiro puro witinua awa. Awa pasina doro duba saramaire ewanana nuanisekai ago ine wenua awa. Tama tatapuna wai nuso meni nikare kora wenua awa.