Oziga Ewanana Mak Meni Gaenua 14:11 - Suena

¹¹ Bamunu nukare ge nuso niniro yawa sara wero numore ego sewa awa, “Ago wasa nakare omata eni nimore potamunonakare.” Ago sewa giro nu Yesu gera potaira ebata tamamu bua wenua.

Oziga Ewanana Mak Meni Gaenua 14:11 ပူးပေါင်းရင်းမြစ်များ

Matiu 26:14

Are bua mai nuso 12 nusokare nana zo zazo nuso Yudas Iskeriot nune ami pris babezinomara nana bamuro

Matiu 26:15

ego ine senua awa, “Na Yesu kereniro poti wana nisokarera nana nikare namore moni nazo potamunowi?” Ago atata wenu nukare silva moni 30 azimuwa pumunua awa.

Oziga Ewanana Mak Meni Gaenua 14:10

Be amire Yudas Iskeriot, nu bua mai 12 amira zo, ami Yesu kereniro gera potamu sero pris babezinomara nana bamunua awa.

Oziga Ewanana Mak Meni Gaenua 14:12

Pura yis amu amira be namba wan amire Yuda ema meni Betai Daininua amira bona awa namu sero wo sipsip mai zo dero azero ninoisowa. Are be awa kei awenu giro Yesura bua mai meni numore ego sewa awa, “Nakare nago baro Betai Daininua amira bona niso sia wanisekare kotupitinosi?”

Luka 22:3

Kau inoiwa Satan meni Yudas nana mokara toinua. Yudas zazo nuso Iskeriot asinoisowa, nu bua mai 12 amira zo.

1 Timotire 6:10

Wau moni emo duba-duba wai meni pasina susu giti amira me tapinowia. Ema eni meni moni emo duba-duba inoise gera ebata doro bamu demese niro nutopekare duba nai bamubake tapinowera awa.

Yuda 1:11

Yei, nukare noma nago bayamunori? Nukare Kainra ebata patitinowera, ata noko nukare wau moni emo zewai-zawai inoise Belamra etetenai awa tapinowera. Ota Kora meni tama nuso puro wititinoe nu nutope sisenua, ago ine nukare tama puro witai nusokarera sisinowera.