Oziga Ewanana Mak Meni Gaenua 1:39 - Suena

³⁹ Ago sero nu yere ibu nusokare Galilaya zebura itisowa amira baro Anutura ge tugata inoise bi eni tuninoise noisonua awa.

Oziga Ewanana Mak Meni Gaenua 1:39 ပူးပေါင်းရင်းမြစ်များ

Matiu 4:23

Yesu meni Galilaya zebu zipinoise Yuda emara yere ibu sero witiro ge tugata inoise utura itewia ami imata Tua wero nuamunoya amira Oziga Ewanana tugata inoise ema yaya eure-taure puro noisowa awa kora inoisonua awa.

Matiu 9:35

Are Yesu nu ago inoise nata bamuta pei ni awa nu te noisonua awa. Ago inoise yere ibu nusokare sero toiro ge gipinoise Anutu imata Tua wero nuamunoya amira Oziga Ewanana tugata inoise noisonua awa. Ota ema yayare dapikarago kora wasai yaya nusokare bisi asero tepo inoisonua awa.

Oziga Ewanana Mak Meni Gaenua 1:21

Nukare bamu nata Kapaneam niwa. Ago noiwa zanatiaira pura zazo nuso Sabat awa kei awenu giro nu Yuda emara yere ibu amira toiro nukare ge tugata wenua awa.

Oziga Ewanana Mak Meni Gaenua 1:23

Ago gipinoinu ema zo bi meni nuso nana toiro itinua ami yere ibu nusokarera ena kei awenua.

Oziga Ewanana Mak Meni Gaenua 1:38

Ago sewa nu ego senua awa, “Nata babezinoma zorage itera amira dai bayanekai. Ago barokai na Anutura ge numorekare sane. Nera kota, na bua ami emo musena.”

Oziga Ewanana Mak Meni Gaenua 3:1

Yesu meni yere ibura noko toiro ema zo wana amai ami ago itinu tamunua.

Oziga Ewanana Mak Meni Gaenua 6:6

“Nukare nogoro na tuma kaka diamu inori?” ago kotumuro nu aita wero nata kikinakara baro ge tugata wenua awa.

Oziga Ewanana Mak Meni Gaenua 7:30

Ago senu bama meni noko tera nuso nana baro bi bamunu mai nuso duro itinua awa ginua.

Luka 4:41

Ago wenu bi eni meni ema bama dainiro doro susawise ego sewa awa, “Ni Anutura Mai.” Ata nu nukare senero ge sai azu senua. Awa nera kota, nukare nu Yuda emara Soyai Ema zazo Kristo noinua awa giwa.