Matiu 7:24 - Suena

²⁴ Ema zo meni ge naso ei awa niniro dimamunoya, nu awa ema ninai bamure. Nu ema zo so nusora zasiwi ura me wamuro potinu dopenua ago ine awa.

Matiu 7:24 ပူးပေါင်းရင်းမြစ်များ

Matiu 12:50

Zo nu Mama naso utura itewia amira ge niniro dipinowia nu ami namita, nubamata, mia naso inoya awa.” Ago senua awa.

Matiu 16:18

Are na zazo niso seka zo tona: Ni Petoro. (Ge nasokaira Omata). Are nane omata tame dubu naso potitinuana so ine kei awero bayamunoya. Are wayara putou meni nukare puro osamu wai te oko wamunoya.

Matiu 24:45

Nikare soumai kokopai wero noiwo. Soumai kokopai nu kotumai ewanana puro nuai giro ema tua nuso meni nu soumai nuso dapikarago dia waise samunoya. Nu nukare dia inoise wo ma numorekare potitinuaise samunoya awa. Ema tua nuso meni bua ge awa numore potiro doro baro nuamunoya.

Matiu 25:2

Bama diri 5 nukare awa dau, ota 5 nukare meni awa kotumaire.

Matiu 25:4

Ata kotumaire meni awa lam nusokare pumuro ou botora dai nigero pumuro susawera awa.

Matiu 25:9

Ago tora bama diri kotumaire meni ina numorekare ego tora awa, ‘Tepo awa. Ou nakai dapikarago amira te oko wamunoi, tanita. Are nikare stoara baro nisokare zuma gaero pumuu.’

Matiu 7:25

Ago wenu itinu wa boruza osenu wama bamu muro so gaenu bisi bamu meni so awa denu so zewai wero itinua awa. Sora zasiwi gowero baitinua, are zewai wero itinua awa.

Matiu 7:26

Ota ema zo meni ge naso ei awa niniro duamunoya, nu awa ema dau zo meni so nusora zasiwi tame dorou wenua, ago ine wamunoya.

Luka 11:28

Ago senu Yesu meni ego senua awa, “Ago oko aewa. Ema bama Anutura ge niniro dipinoise nowera ami yawa sara warise.” Ago senua awa.

Yohane 13:17

Are nikare ge awa niniro baitiro amira te nuamunowa, awa nikare yawa sara wamunowa.

Yohane 14:15

Ara tamai nisokare naso nana itamunoya, awa nikare ge naso dimamunowa.

Yohane 15:10

Na Mama nasora ge dipinowena, are ara tamai nuso naso nana itewia. Da ago ine nikare ge naso dimamunowa, awa ara tamai naso nisokare nana itamunoya.

Yohane 15:14

Ge potitinowena awa dimamunowa, awa nikare otao mamai naso wamunowa.

Roma 2:13

Awa nera kota, Mosera lo ge dana meni gege ninitinowera nukare awa Anutu meni gawi duba saramaire oko inowera. Ge niniro dipinowera nukare awa duba saramaire asamunoya awa.

1 Yohane 2:3

Are nakai potai ge nuso dimamunonakai, awa nu giro baititinowenakai awa gamunonakai.