Matiu 4:13 - Suena

¹³ Ago wero Nasarete nata doro Kapaneam nate itai-matai wenua awa. Nata awa ou ubura zorage itinua. Nata awa Sebulonito Naftalira saisibunara zebu amira itinua.

Matiu 4:13 ပူးပေါင်းရင်းမြစ်များ

Matiu 11:23

Ota nikare Kapaneam ema, ema bama meni zazo nisokare de ike namunorita? Tepo awa. Nukare zazo nisokare puro osamunora. Nisokare nana tani bamu kei awisia ago ine Sodom nate ena kei awami sia, awa nata awa oko sisamia. Zeme ewa itamia.

Matiu 17:24

Yesu bua mai nusore Kapaneam nate kei awewa ema eni Anutura ibu bamu amira takis bua inoisowa ami Petoro atata wero sewa awa, “Gipai ema nisokare meni ibu bamura takis 50 toea awa potitinowita?”

Matiu 4:14

Ago baro itai-matai wenu amire porofete Yesayara ge zo ego ine itia awa me wenua awa,

Matiu 4:15

Zebu zo ou ubura kenara itewia amira Sebulonito Naftalira saisibuna nowera. Zebu awa ou Yodan enibara itia. Zebu amira zazo zo Galilaya. Ema Yudako meni amira kei awero nowera awa.

Matiu 9:1

Yesu meni wara witiro ou ubu noko semuro nata nuso nana bamunua.

Oziga Ewanana Mak Meni Gaenua 1:21

Nukare bamu nata Kapaneam niwa. Ago noiwa zanatiaira pura zazo nuso Sabat awa kei awenu giro nu Yuda emara yere ibu amira toiro nukare ge tugata wenua awa.

Oziga Ewanana Mak Meni Gaenua 2:1

Waiko be eni tepo wenu Yesu meni noko tera bamu Kapaneam ninu ema bama meni Yesu nuso nana baro itinua awa niniwa.

Luka 10:15

Ota nikare Kapaneam ema, ema bama meni zazo nisokare de ike namunorita? Tepo awa. Nukare zazo nisokare puro osamunora.”

Luka 4:23

Are nune numorekare ego senua awa, “Nikare namore ego samunowi, tanita, ‘Dokta, ni nitope tama aiso niso kora we giro me asanekare. Tani eni Kapaneam ena wisesa awa nakare ninisenakare. Are ni zeme da ago ine nata susu nisora ena we ganekare.’ Namore ago samunowi, tanita.”

Yohane 2:12

Ataira bona tepo wenu Yesu nu Kena nate ena bamu Kapaneam nate namu inoinu mia nuso namisinire ata bua mai nuso nukare dai bamuwa awa. Baro ago be dainiro oko noiwa.

Yohane 4:46

Yesu meni Galilaya zebura kei awero Kena nate bamunua. Nata amira ana nu gita ge senu ou meni wain wenua. Ago bamunu Kapaneam nate dia ema bamu zo noisonua amira mai yaya mou-mau puro itinua.

Yohane 6:17

Kapaneam nate ewesemuro bayamu sero wara witiro bamuwa awa. Ago susauwa pi zinu Yesu meni nusokare nana kaka kei awamu wenu

Yohane 6:24

Are ema bama meni Yesu bua mai nusore awa kau inomite nukare tamamu sero wa muro itiwa amira witiro bamu Kapaneam nate niwa awa.

Yohane 6:59

Yesu nu Kapaneam nate ena yere ibura ena ge awa emare tugata wenua awa.