Matiu 4:11 - Suena

¹¹ Ago senu Satan meni nu doro bamunua awa. Satan bamunu angelo dubu eni kei awero Yesu kora wewa awa.

Matiu 4:11 ပူးပေါင်းရင်းမြစ်များ

Matiu 26:53

Ni susu naso itia awa kaka gamu inoise ago inosita? Mama naso isa sana zeme-zemeke angelo 70,000 potai osero na soremamera, ata dotinona.

Matiu 4:6

Ago wero numore ego senua awa, “Ni Anutura Mai me wero noma giro ena zokari awero ose. Ni oko waya wamunosa. Nera kota, ge gayai zo ego itia awa, Anutu meni sai angelo dubu nuso meni ni dia wamunora. Ago inoise te niso omata meni gayai azu, nukare ni wana meni soga inoise puro osamunora.”

Oziga Ewanana Mak Meni Gaenua 1:13

Ware baro waiko be 40 itinu Satan meni nu etetenamu wenua. Yesu abu wora masira noinu angelo meni nu kora wewa.

Luka 22:43

Ago senu utura angelo zo meni osero nu zinu zewai wenua.

Luka 22:53

Be giti awa na nimorekare dai ibu bamura ena nuawena nikare ana nogoro na kaka pumamu inowewi? Ata zeme ewa nikare ata mumera mama amira be awa.”

Luka 4:13

Are Satan nu etetenai dapikarago wenu tepo wenu giro nu Yesu doro be zo ago awa dia wenua awa.

Yohane 14:30

Na ge dainiro susumuro nimorekare oko samunona. Zebura tua Satan meni naso nana mamu inoise inoya. Ata nu namore tani zo wai ine tepo.

1 Timotire 3:16

Tuara ge ziro tata-tata inowenakai amira susu awa ou suru me suru ine awa. Awa zo meni begi wai ine tepo. Nu tama aiso puro kei awenu giwa. Nu ema saramai awa Ozana meni kereninua. Angelo dubu meni nu giwa. Ge nuso dubu serora nana bamunua. Zebura ema bama meni nu tuma diwa. Anutu senu witi ike niro simai zasimaire nowia.

Hibru 1:14

Angelo nukare nena neni? Nukare Anutura soumai dubu gege. Ema Anutu meni soero pumamu senua awa soga warise iyetitinowia awa.

Hibru 1:6

Noko mua Mai nuso zebura iyetamu sero ge ego senu gaewa awa, Anutura angelo dubu nukare zazo nuso de ike narise.