Luka 8:27 - Suena

^27-29 Yesu nu wa doro witi ete nitinoinu ema zo nata amira ami nuso nana munua. Bi eni ema amira nana mokara itiwa. Gita omire bi ami ema awa eyaya darau nitinoisowa. Ema eni nukare ema waya awa dia inoise sen meni benise hankap potise awinoisowa. Ago wasara numa eriro nena bamubamu awa ziasai kapasai bi ami numa puro bamu zebu agewa erama tepo amira nitinoisowa. Nu mo kaka awamu noisonua. Nu so mera kaka awamu. Nu bi ditira itima awinoisonua. Are ema ami Yesu giro zawa gatero baro Yesu nana tera ena zebura duunua. Duro zawa ike damu gatinoise ego senua awa, “Yesu, ni Anutu ike itewia amira Mai me nowesa ami namore ne wamu tupesi? Ni yaya bua namore oko potase.” Ago senua, nera kota, Yesu meni emoko bi awa ema doro bayarise senua awa.

Luka 8:27 ပူးပေါင်းရင်းမြစ်များ

Matiu 4:24

Ago inoinu bowi nuso Siria zebura te wenu niniro giro ema yaya-buyayare, ema bi nusokare nana mokara itai, ema eni aziamai, ata eni zabura wai ami dago eriro nuso nana muwa kora wero tepo wenua awa.

Oziga Ewanana Mak Meni Gaenua 5:15

Nukare Yesu nana muro ema gita bi saisai nuso nana itiwa ami mo awero kotumai kokopai puro arumuro itinua awa giro azu wewa.

Luka 8:26

Yesu bua mai nusore meni ou ubu semuro Gegesa zebura kei awewa. Ou ubu awa Galilaya zebu enibara itawi, Gegesa zebu enibara ago itewerato.