Luka 7:27 - Suena

²⁷ Are ema amire ge gayai zo ego itia awa, Ei giu. Na oziga sai ema naso iyetamunona. Nu gita wero ebata niso kora wamunoya.

Luka 7:27 ပူးပေါင်းရင်းမြစ်များ

Matiu 11:10

Numore awa ge gayai zo ego itia awa, Ei giu! Na oziga sai ema naso iyetamunona. Nu gita wero ebata niso kora wamunoya.

Oziga Ewanana Mak Meni Gaenua 1:2

Porofete zo zazo nuso Yesaya meni bukura ge ei awa gaenu itewia ewa, Ei giu! Na oziga sai ema naso iyetamunona. Nu gita wero ebata niso kora wamunoya.

Luka 1:76

Ota mai naso, nine meni awa erama meni nimore Anutu ike itewia amira porofete asamunora. Nima Tuara ebata sia wamu sero gita wamunosa.

Luka 7:26

Ata nikare ne gamu bamisewi? Nikare porofete zo gamu bamisewita? Iyo. Nikare porofete zo gamu bamisewa. Are na nimorekare me sane. Nu awa porofete awa, ata nune porofete noisowa awa dainitinoya.

Luka 7:28

Na nimorekare sane. Yohane meni zebura ema dapikarago dainitinoya. Ata Anutura nata gegenai zo osai me osai ami Yohane dainitinoya awa.” Ago senua awa.

Yohane 1:23

Ago sewa nu ina ego senua awa, “Porofete Yesaya meni ge zo gaenua awa naso nana ena me inoya. Na oziga sai ema ware gamu-gamura ena noise ego towena awa, ‘Tuara ebata kora weu sonae.’” Ago senua awa.