Luka 2:14 - Suena

¹⁴ “Utura ena Anutura zazo bamu waise. Zebura ena ema bama Anutu meni gawi ewanana inowera amira nana bega kei awinoya.” Ago sewa awa.

Luka 2:14 ပူးပေါင်းရင်းမြစ်များ

Matiu 21:9

Ago wero ema bama witai meni gitare amare wero susawise arero ego sewa awa, “Oro, oro, Dawidira sibuna. Tuara bera tupesa, ni awa bowi wanekare. Utura nowera ami Anutu bowi warise.”

Luka 1:79

Muro ema betai azu inoise mumera itewera amira nana zasimamunoya. Nu nakai duba ewananare nuaira ebatara potamunoya.” Zekaraya meni ago sero tepo wenua awa.

Luka 19:38

“Ema tua nasokai Tuara bera tupia nu awa bowi wanekai. Utura tini kapai tepo wetia. Nakai Anutura zazo de ike nanekai!”

Luka 2:13

Angelo nu ago toinu utura angelo dubu dainiro nukare eya kei awero itiwa ami numore dai Anutura zazo de ike nitinoise ego sewa awa,

Luka 2:15

Angelo dubu nukare doro ewesemuro bamu utura nitinoiwa wo sipsip dia wai ema nukare ego sewa awa, “Nakai Betelehem nate barokai nena kei aweti Tua meni namorekai gipetia awa ganekai.”

Luka 3:22

Ozana ni guma ine wero ose nuso nana ninua. Ago wenu utura ena ge zo ego ine osenua, “Ni Mai naso. Ni wama naso. Na ni emo yawa sara inona.”

Yohane 14:27

Na duba-ozaire nuai awa nimorekare potitinona. Na duba-ozaire nuai naka naso awa nimorekare potitinona. Zebura ema meni potitinowera ago ine kota, duba-ozaire nuai naso me awa nimorekare potitinona. Are duba nisokare azu wai tepo, kotumu-katumu wai tepo, itarise.

Yohane 17:4

Bua ge namore sesa awa wero tupie pesunitinona. Ago inoise zazo niso de ike nitana.

Yohane 3:16

Zo nu Anutura Mai tuma diamunoya ami betaise kota, nu nuai me ewanana tamaise sero Anutu meni ema nakai emo duba bayao bamubake inoise Mai nuso daimata potinu osenua awa.

Aposolo 10:36

Oziga Anutu meni Isreli emare potinua amira bowi awa nikare ninitinowewa. Yesu Kristo, nu ema dapikaragora Tua, nu ami bega pumunua amira Oziga Ewanana Anutu meni kereniro poti damu ninua awa. Gita Yohane meni ema bama ge ou gutinoise ge tugata inoisonua be amira ana

Roma 5:1

Saramaira susu Abraham meni tamunua awa itia, are Anutu meni nakai tuma diai nasokaira saramaire asenu giro Yesu Kristora betai amira nakai Anutura begare nowenakai awa.

Efeso 1:6

Nu Mai bou nuso emo wero sogawai nuso ewanana namorekai nupe potinua, are nu bowi wai gege wanekai.

Efeso 1:9

Nu nena Kristora buara wamu sero duba nusora imata gita nininu bezai itisonua, bui nuso awa namorekai kereninua awa.

Efeso 2:4

Ata Anutu nu awa-diai nuso witai itewia. Are nu namorekai dubara dumi bamubake puro noisonua,

Efeso 2:7

Anutu meni nakai emo dumi yagaba pupinoise Kristo Yesu iyetinu munua. Ago inoise bayao nuso bamubake dauta-beuta awai amira susu kereninua. Kereniro damu-damuke itai gege itaise ago wenua awa.

Filipai 2:11

Agoro erama dapikarago meni “Yesu Kristo nu imata Tua noya,” ago sarise. Ago sara Anutu Mamera zazo bowire ike damu itaise.

Filipai 2:13

Nera kota, Anutu nu nutope nikare gai kokopai wawise kotumaire waire amira putou nimorekare potitinowia awa.

Kolosai 1:20

Ago wero nena bamubamu utura ata zebura awa Mai nusora buara numore dai otao-gamao warise sero senu Mai nuso ni pasinaira orara nuso meni bega tamunua, are Anuture otao wewa awa.

2 Tesalonika 2:16

Tua nasokai Yesu Kristo nu nutope ata Anutu Mama nasokai, nu nakai emo zo bamubake amuro nakai soga inoise uzutai itai gege itai, o tuma diai kokopai awa namorekai potinua, nu ami

Kereninua 5:13

Ota utura, zebura, zebu bage, ata ewara noiwa nukare dago ami ego sewa ninina awa, “Arumai simaire amira itia, nu ata Lama dai bowi waire zazo bowire ata simaire ata putou itia da ami itai gege itaise.”