Luka 19:42 - Suena

⁴² Di sero ego senua awa, “Nikare dai be zeme emire begara ebata gamewa sia, awa te wamia. Ata zeme begara ebata bezinoya. Are nikare oko gamunowa.

Luka 19:42 ပူးပေါင်းရင်းမြစ်များ

Luka 19:41

Are Yesu nu mu Yerusalem zorage niro nata bamu awa giro nata emo di senua.

Luka 19:43

Iwo meni nata nisokare zimuro itise aiwa pupinoise uze ape gita niro ami beri waise wamunora. Ago wero nikare poti soe nara nikare bayaira ebata kau wamunowa.

Luka 19:44

Nukare nata nisokare dara zasai toiro nikare dero tepo-tapo wamunora. Nukare omata zo zora nana tame itamunoya, awa oko awa-diamunora. Tani awa nisokare nana kei awamunoya, nera kota, Anutu meni nikare kora wamu musia amira be awa nikare kaka gamu inowewa.” Ago senua awa.

Aposolo 10:36

Oziga Anutu meni Isreli emare potinua amira bowi awa nikare ninitinowewa. Yesu Kristo, nu ema dapikaragora Tua, nu ami bega pumunua amira Oziga Ewanana Anutu meni kereniro poti damu ninua awa. Gita Yohane meni ema bama ge ou gutinoise ge tugata inoisonua be amira ana

Aposolo 13:46

Ago wewa Pauloto Banabare nuto zewai wero ge toise ego tugata wewato awa, “Yuda ema nikare Anutura ge gita ninawise sai itia awa. Are nikakare nitopekare azu toise nuai me ewananara seronai awa wai ine tepo towa, are nato nikare doro ema Yudako amira nana bayamunonato awa.

Hibru 3:13

Agoro nikare waiko be giti aumako aumako be itai gege itamunoya te soga ina-wa wewo. Wayara etetenai meni nisokare nana ena ema zo awita sai Tua doro deto-deto wanoya awa.

Hibru 3:15

Ge gayai susura ena genakai awa noko ganekai, Anutu meni zeme ge nimorekare samunoya, awa eni meni deto-deto wewa ago ine oko wawe.

Hibru 3:7

Are Ozana meni ge ego senua awa ninanekai, Gita Anutu meni ware ena Isreli ema gaero gamu wenu deto-deto wewa. Are Anutu meni zeme ge nimorekare samunoya, awa deto-deto ago ine oko wawe.