Luka 11:35 - Suena

³⁵ Are zasimai niso nana mokara itia awa mume wai azu, moka niso saitiro dia weyo.

Luka 11:35 ပူးပေါင်းရင်းမြစ်များ

Matiu 6:22

Giti moka niso awa tama nisora zasimai ine awa. Are giti moka niso ewanana itai amire tama aiso niso dago ewanana zasimaire itamunoya.

Luka 11:34

Giti moka niso awa tama nisora lam ine awa. Are giti moka niso ewanana itai amire tama aiso niso dago ewanana zasimaire itamunoya. Ota giti moka niso waya wai amire tama aiso niso dago mume wamunoya awa.

Luka 11:36

Ota tama aiso niso dapikarago zasimai gege mume agewara tepo wamunoya, awa lam me meni zasipitinoise nakai poti damu nitinowia ago ine wamunoya.” Ago senua awa.

Roma 1:22

“Nakare ninaire nonakare” asinowera, ata duba dau inowera.

2 Petoro 1:9

Zo nu nena awa tepo nuamunoya, awa numore ego sanekai: Nu giti guma wai ine. Nena asike itia awa nu gai ine tepo. Tua meni gita pasina nuso disero nu sewero kora wenua awa kaka kotumamu nuweniro nowia.

2 Petoro 2:18

Nukare tama puro wititinoise ge puti nusokare awa ema bama meni gara me waise sero esega ema kotumaire amira nana wero ema bama tugata inowera. Ago inoise ema eni meni digara eba waya awa kapo duamu inora ami noko tera pasina warise sero tama eraira ge meni zumai bua inowera.

Kereninua 3:17

Nikare nitopekare ego towewa awa, “Nakare zamai dainiro nasokare nana itia. Nakare nena eto oko pumunakare. Are nakare nena zo kau wai ine tepo.” Nikare susu nisokare oko gosinowewa. Nikare kezia wero itewewa. Are ema bama meni nikare giro zo amamunora. Nikare bogamasa. Nikare giti guma wai. Nikare mo dero uzai nowewa, awa oko giro baititinowewa.