Kereninua 8:10 - Suena

¹⁰ Angelo namba 3 meni so nuso pisenu kuna bamu zo utura ena tekero osero bana ine awero beriberi wero ou ipu enira ⅓ ata ou gomira ena dagimunua awa.

Kereninua 8:10 ပူးပေါင်းရင်းမြစ်များ

Matiu 25:1

Be bamu awa kei awai amire utura itewia ami imata Tua wero nuamunoya amira susu awa ego ine kei awamunoya. Na sou bama diri 10 amira potiro sana giwo. Ema zo meni seronai nuso atamu sero seronaira mamera nana tupia. Are sou bama diri 10 ami ema awa ebete ena tamuro puro mamu sero lam nusokare puro susawera awa.

Luka 10:18

Ago sewa nu numorekare ego senua awa, “Satan nu utura ena duunu gina, awa nu piri-piri meni wuru-were wero osago wenua.

Yuda 1:13

Ewa meni kakawa bamu inoise woi pora apawi desinowia, da ago ine ema ami pasina inoise kesawera menai nusokare kei damu nitinowia. Nukare awa kuna meni teya-taya wero muro baro awinowera ago ine awa. Anutu meni masi nusokare sia wenua, are nukare masi amira mume bamubake amira be giti itai gege itamunora awa.

Kereninua 1:20

Are wana me nasora kuna 7 gesa ata damanara dapai susu 7 gol meni wai gesa awa nena bezai awa. Are amira susu sana nini. Kuna 7 awa dubu 7 amira angelo nusokare awa. Ata damanara dapai susu 7 awa dubu 7 awa.”

Kereninua 12:4

Nu towa nuso meni utura kuna eni ⅓ denu tekewa zebura apenu osewa. Ugama nu ago wero bama mai pumamu sero inoinu giro ego kotumuro bamuro zorage itinua awa: “Mai pumai nukamunona awa.”

Kereninua 14:7

Nune ami arero ego senua awa, “Nikare Anutu azu wero zazo nuso de ike niwo. Nera kota, ina waira be nuso kei awinoya awa. Uture zebure eware ou gomire tamunua, nu awa bowi weu!”

Kereninua 16:4

Ago wenu angelo namba 3 meni akou nusora nena zozenu ose ou ipure gomire amira ninu orara daba wero tepo wenua awa.

Kereninua 6:13

ota kuna nukare bisi meni nemuya me zipawi ururugaitiro osisinowera ago ine utura ena tetekeniro zebura osewa;

Kereninua 8:7

Ago wero angelo namba wan meni so pisenu wa ais zewai-zawai ata niao orarare dara siro siro wai ami zebura osenua awa. Osenu zebu agewa ⅓ niao meni awero tepo wenua awa. Ota ni agewa ⅓ niao meni awero tepo wenua. Ota yekere zewakare dapikarago niao meni awero tepo wenua awa.

Kereninua 9:1

Are angelo namba 5 meni so pisenu na iri niro kuna zo utura ena tekero osero mu zebura niro itinua awa gina awa. Nu degara so be piaise ki numore potiwa awa.

Kereninua 9:15

Nukare ami zepa awa, o inua awa, o waiko awa, o aua awa zora awai zebu sero ema agewa ⅓ dara betarise amira be mai gamu sia inoise itisowa, nukare awa besenua awa.

Kereninua 9:18

Are nena mena-mana etorobara ami zebura ema agewa ⅓ gera-gaira wero tepo wewa awa. Wo osira nana be sora ena niaore ibosire zebu awero beriberi waire kei awenua ami ago wenua awa.