Kereninua 7:4 - Suena

⁴ Ago senu amire ema owere amira namba nusokare ego ine sewa ninina awa: Isreli emara dubu giti amira nana 144,000 owere wai awa.

Kereninua 7:4 ပူးပေါင်းရင်းမြစ်များ

Matiu 19:28

Ago atata wenu Yesu meni ego senua awa, “Na me memeka sane. Noma nena bamubamu seka wero ewanana kei awamunoya be amire na Emara Mai meni arumai simaire nasora arumuro itana na ama ganewa nikare da ago ine ema tuara arumai 12 amira arumuro itise amire Isreli ema dubu 12 awa awina-dawina wamunowa.

Luka 14:22

‘Tua, na ge niso dimuro pesunena, ata apamo eni tepo dago itera.’

Luka 22:30

Are na imata Tua wero nuamunona be amire nikare namore dai nena namunonakai. Nikare ema tuara arumai ago ine amira arumuro itise Isreli ema dubu 12 awa awina-dawina wamunowa.” Ago senua awa.

Aposolo 26:7

Are seronai ge awa me waise Isreli ema dubu 12 nukare tuma didinoise zewai wero pi waiko be giti Anutu zame potitinoise bowi zewai-zawai inowera. O ema tua naso, na nena awa tuma didinoise nowena amira Yuda ema meni ge bua namore potitinowera awa.

Roma 9:27

Are Yesaya meni zawa gatero Isreli emare ego sero gaenua awa, Isrelira saisibuna nukare ewa bera oze itia ago ine te kei awamunora, ata saineba, Anutu meni nusokare nana etokaka gege soero pumamunoya.

Yakobo 1:1

Na Yakobo meni ge ei awa gainona. Na Anutu ata Tua Yesu Kristora bua mai meni Isreli ema dubu 12 zebu susu doro ei baro ou baro awero nowewa nikare ami emo yawa sara inoise pas ei awa potitinona awa.

Kereninua 14:1

Are na iri niro Lama Zion dirumura dopero itinu gina. Ata numore dai ema 144,000 meni dopero itiwa gina. Mewa nusokarera Lamara zazore Mama nusora zazore gayai itinua awa.

Kereninua 14:3

Nukare arumai simaire ata nena seka itai 4 ata bua ema zezewenai nana benaura dopero yere seka zo gamuwa. Yere awa ema eni meni gamuro ninai ine tepo wenua awa. Ema 144,000 zebura ema enira nana ena zuma wai nukare ami gege ninai ine te awa.

Kereninua 7:5

Nukare ego ine wewa awa: Yudara dubu amira nana 12,000 owere wewa; Rubenra dubu amira nana 12,000 owere wewa; Gadera dubu amira nana 12,000 owere wewa;

Kereninua 9:16

Are goroba ema nusokare wo osi tame itai amira namba nusokare 200 milion asewa ninina.