Kereninua 5:8 - Suena

⁸ Papia winai awa pumunu nena seka itai 4 ata bua ema zezewenai 24 nukare Lamara nana zora baro bawa diro koiniwa awa. Nukare gita yere gamaira nusokare ata akou nusokare gol meni wai awa dai puro nuso nana bamuwa awa. Akoura mokara ena ibosi zama ewananare bemuro itinua. Ibosi awa Anutura ema dubu amira isa awa.

Kereninua 5:8 ပူးပေါင်းရင်းမြစ်များ

Yohane 1:29

Pina atinu Yesu meni Yohane nana susaunu aikera ena giro ego senua awa, “Ou giu. Anutura lama. Nune ami zebu serora pasina nusokare dimuro betamunoya.

Yohane 5:23

Are ema nukare Mama bowi inowera, da ago ine Mai bowi warise. Zo nu Mai bowi kaka wamu wamunoya ami Mama na iyetinua awa dai bowi kaka wamu ago ine inoya.

Hibru 1:6

Noko mua Mai nuso zebura iyetamu sero ge ego senu gaewa awa, Anutura angelo dubu nukare zazo nuso de ike narise.

Kereninua 13:8

Are zebura ema dago ami nu bowi wamunora. Ema zazo nusokare Lama dewa betenua amira bukura kaka gayai itamu, nukare ami wore ago wamunora awa. Buku awa ema nuai me pumarise sai amira zazo awa zebu kaka tamamure ago gayai awa.

Kereninua 15:2

Are na ewa nazi zo gina, awa glas meni wago wai niaore dai siro-siro wai ine itinu gina. Are ema bogira pugeu wero wo goroba bamu ata ititi nuso ata zazo nusora tagi owere awa azu sero puro osewa ami ewa nazi glas ine amira tame dopero gita yere gamaira Anutu meni numorekare potinua awa puro itiwa gina awa.

Kereninua 15:7

Are nena seka itai 4 dopewa amira nana zo meni akou 7 gol meni wai awa angelo 7 amire potinu pumuwa awa. Akou 7 amira mokara Anutu nuai gege nowia amira tini kapai awa be muro kasaba dero itinua awa.

Kereninua 19:4

Ago sewa bua ema zezewenai 24 ata nena seka itai 4 nukare bawa diro koiniro Anutu arumai simaire amira itewia awa bowi inoise ego sewa awa, “Me memeka awa. Haleluya!”

Kereninua 4:10

bua ema zezewenai 24 meni arumai simaire amira arumuro itewia, nu nuai gege nowia, amira nana benaura bawa diro koiniro nu bowi inowera. Ago inoise ema tuara giti simaira nena nusokare dutuniro te nusora potiro ego towera awa,

Kereninua 4:4

Are arumai simaire bamu amira demabera arumai simaire 24 ami nuso nana zimuro itiwa awa. Arumai masi amira bua ema zezewenai 24 ami arumuro itiwa awa. Nukare tama woi kapawai gege wosuniro itiwa awa. Ota ema tuara giti simaira nena zo gol meni wai ami giti nusokarera itinua awa.

Kereninua 4:6

Ota arumai simaire amira benaura meni awa nena zo ewa nazi ine, gasa ziwamunoya, ami itinua awa. Nena seka itai 4 ami arumai simaire awa zimuro itiwa. Nukare zazanare tipare awa dapikarago giti moka daba.

Kereninua 4:8

Nena seka itai 4 nukare zora wabu 6, zora wabu 6 ago gege awa. Ata tama nusokare turere tamere awa giti mokare daba itinua. Are pi waiko awa zawa sero ego towera awa, “Tua Anutu nu putoura mama. Nu saramai daba. Nu noisonua, nowia, nuamunoya.”

Kereninua 5:11

Na iri niro angelo dainiro-bake gosinoise amire gera awi nusokare ninina. Nukare arumai simaire ata nena seka itai ata bua ema zezewenai awa zipinoise dopewa awa. Namba nusokare gai te wai ine tepo, ami ten tausen dubu giti dubu giti, wan tausen dubu giti dubu giti dopinoise amire

Kereninua 5:12

ge ego ine zawa sero sewa awa, “Putoure zamaire kotumaire zewai waire zazo bowire simaire sero de ike naire awa Lama dewa betenua ami pumai te wero baitamunoya.”

Kereninua 5:14

Ago sewa nena seka itai 4 nukare ego sewa awa, “Iyo, me awa.” Ota bua ema zezewenai meni awa bawa diro koiniro bowi wewa awa.

Kereninua 5:6

Are nama giti ziwataniro arumai simaire ata nena seka itai 4 amira nana soe, ota bua ema zezewenai nana awa Lama zo dewa betero seka wenua ami dopero itinu gina awa. Koe nuso 7, ata giti moka nuso da ago ine 7. Giti moka nuso 7 awa Anutura Ozana 7 nukare zebu sero iyetai awa.

Kereninua 6:1

Are na giti ziwataniro ego gina awa: Lama meni papiara pika 7 itiwa amira zo piakaninua. Piakaninu nena seka itai 4 amira nana zo meni duba nuso tarara bibiara ine zawa sero ego senua awa, “Mu!”