Kereninua 5:5 - Suena

⁵ Ago wena bua ema zezewenai nana zo meni namore ego senua awa, “Di oko sase. Ei giyo! Yudara saisibuna amira wo layon nu Dawidira sibuna ami bogira pugeu wero daininua, are nune da ami papiara pika 7 piakaniro papia zazai te inoya.”

Kereninua 5:5 ပူးပေါင်းရင်းမြစ်များ

Luka 23:28

Ata Yesu nu ewesemuro numorekare ego senua awa, “O Yerusalem bama mamai, nikare na emo oko di sawe. Nikare nitopekare ata mai awiso nisokare emo di seu.

Luka 7:13

Tua nu bama awa giro numore zo amunua, are nu bama amire ego senua awa, “Ni di oko sase.”

Luka 8:52

Ota ema bama witai meni awa nukare mai emo dire-buare inoise itiwa, ata Yesu meni numorekare ego senua awa, “Nikare di oko sawe. Nu kaka betamu awa. Nu gitawa gege inoya.”

Yohane 20:13

Ginu nuto ego sewato awa, “Ni nogoro di tosi?” Ago sewato nu ego senua awa, “Tua nasora woi puro nago baerata kau inona.”

Roma 1:3

Oziga Ewanana awa Mai nuso Tua nasokai Yesu Kristore sewa awa. Nu aisore dai kei awai awa Dawidira saisibunara nana ena kei awenua.

Roma 15:12

Noko Yesaya meni ge zo ego gaenua awa, Dawidira mama Zesi amira saisibunara zo nu ni osi ine kei awero ema Yudakora Tua wamunoya. Are ema Yudako meni nu tuma diro nuamunora awa.

Hibru 7:14

Tua nasokai Yesu nu ewowo zazo Lewi amira dubura ena kota, ewowo zazo Yuda amira dubura ena kei awenua, awa gosinowenakai awa. Agoro ewowo Yuda amira dubu nukare awa zame potai bua warise Mose meni zo oko senua.

Kereninua 1:1

Nena Yesu Kristo meni kereninua amira uge. Nena be apunu-kakana kei awamunoya awa dubu nuso namorekai kerenaise Anutu meni Yesure gipenua. Are Yesu meni kerenamu sero angelo zo iyetinu na bua mai nuso Yohane naso nana muro sero gipero awenua awa.

Kereninua 22:16

“Na Yesu, na natope angelo naso iyetina nune ami kerenai ge awa dubu naso nimorekare kereninua awa. Na awa na Dawidira diai susu ata osi nuso ine. Na moroa bamu zasimaire.”

Kereninua 3:21

Zo nu Satanre bogi inoise pugeu wamunoya, nu awa nane pumu naso nana niro masi arumai simaire naso amira namore dai arumamunonato. Na da ago ine bogira pugeu wero noe Mama nasora masi arumai simaire amira arumuna itewena awa.

Kereninua 4:10

bua ema zezewenai 24 meni arumai simaire amira arumuro itewia, nu nuai gege nowia, amira nana benaura bawa diro koiniro nu bowi inowera. Ago inoise ema tuara giti simaira nena nusokare dutuniro te nusora potiro ego towera awa,

Kereninua 4:4

Are arumai simaire bamu amira demabera arumai simaire 24 ami nuso nana zimuro itiwa awa. Arumai masi amira bua ema zezewenai 24 ami arumuro itiwa awa. Nukare tama woi kapawai gege wosuniro itiwa awa. Ota ema tuara giti simaira nena zo gol meni wai ami giti nusokarera itinua awa.

Kereninua 5:4

Are zo meni piakaniro gai ine te kaka wamu wenu giro na duba naso waya wenu di bamu sena awa.

Kereninua 6:1

Are na giti ziwataniro ego gina awa: Lama meni papiara pika 7 itiwa amira zo piakaninua. Piakaninu nena seka itai 4 amira nana zo meni duba nuso tarara bibiara ine zawa sero ego senua awa, “Mu!”

Kereninua 7:13

Are bua ema zezewenai nana zo meni nama atata wero ego senua awa, “Mo tama woi kapawai puro nora nukare arekare ni? Nukare nana muu?”