Kereninua 4:9 - Suena

⁹ Nena seka itai 4 meni arumai simaire amira arumuro itewia, nu nuai gege nowia, nu amire kokopai asero bowi inoise yawa sara wawera te

Kereninua 4:9 ပူးပေါင်းရင်းမြစ်များ

Hibru 7:25

Nu nakai emo Anutu isa toise nuai gege nowia awa. Are nakai Yesu tuma didinoise Anutura nana zorage kei awinowenakai, nakai awa soero pumuro doena-doeti wero nuai gege nuai awa potitinowia awa.

Hibru 7:8

Be zeme ei awa Lewira saisibuna nukare betaira gegenai noise tenira ena daimata pupinowera awa. Ota amira ana awa Melkisedek nu dago nowi sia ami pumunua.

Kereninua 1:18

Na nuaira mama. Nama betero seka zina ami nuai gege nowena nuamunona. Ago wero betai ata betai nata amira s be nusotora ki awa nane puro nowena.

Kereninua 10:6

Anutu nuai gege nowia, nu nena tamuro tepo wenua — utu ata nena utura itia, o zebu ata nena zebura itia, o ewa ata nena ewara itia — amira nana ikonitinoise ego ine senu zewai wenua awa, “Be noko zo oko itia.

Kereninua 15:7

Are nena seka itai 4 dopewa amira nana zo meni akou 7 gol meni wai awa angelo 7 amire potinu pumuwa awa. Akou 7 amira mokara Anutu nuai gege nowia amira tini kapai awa be muro kasaba dero itinua awa.

Kereninua 21:5

Are arumai simaire amira itinua ami ego senua awa, “Ei giu! Na nena bamubamu awa seka-sakama tapinona.” Ago sero namore ego senua awa, “Ge awa me memeka me, are gaeyo.”

Kereninua 4:2

Ago tuaise Ozana meni duba naso pumunu utura ena arumai simaire zo itinu amira tame zo meni itinu gina awa.

Kereninua 4:8

Nena seka itai 4 nukare zora wabu 6, zora wabu 6 ago gege awa. Ata tama nusokare turere tamere awa giti mokare daba itinua. Are pi waiko awa zawa sero ego towera awa, “Tua Anutu nu putoura mama. Nu saramai daba. Nu noisonua, nowia, nuamunoya.”

Kereninua 5:1

Are arumai simaire amira itewia ami wana me meni papia winai zo ziro puro itinu gina. Papia awa tipare zazanare dago owere gege itinua. Ota pika meni takimai 7 ami itiwa.

Kereninua 6:16

zebuto omatare begomo sero ego sewa awa, “Osero nakare gogowawa arumai simaire amira itia amira nana giti mokara oko bayanekare. Ota Lamara tini kapai meni awa oko ganekare.

Kereninua 7:15

Are zeme nukare Anutura arumai simaire amira zora noise pi waiko awa ibu nusora ena sou bua nuso inoise nowera awa. Are arumai simaire amira itewia ami nukare doena-doeti inoise nuamunoya.