Kereninua 4:4 - Suena

⁴ Are arumai simaire bamu amira demabera arumai simaire 24 ami nuso nana zimuro itiwa awa. Arumai masi amira bua ema zezewenai 24 ami arumuro itiwa awa. Nukare tama woi kapawai gege wosuniro itiwa awa. Ota ema tuara giti simaira nena zo gol meni wai ami giti nusokarera itinua awa.

Kereninua 4:4 ပူးပေါင်းရင်းမြစ်များ

Matiu 19:28

Ago atata wenu Yesu meni ego senua awa, “Na me memeka sane. Noma nena bamubamu seka wero ewanana kei awamunoya be amire na Emara Mai meni arumai simaire nasora arumuro itana na ama ganewa nikare da ago ine ema tuara arumai 12 amira arumuro itise amire Isreli ema dubu 12 awa awina-dawina wamunowa.

Luka 22:30

Are na imata Tua wero nuamunona be amire nikare namore dai nena namunonakai. Nikare ema tuara arumai ago ine amira arumuro itise Isreli ema dubu 12 awa awina-dawina wamunowa.” Ago senua awa.

2 Timotire 4:8

Are ema saramaira giti simaira nena namore asero woi wai itia, awa noma be bamura ena Tua naso nu zas bua me gege wamunoya ami namore potamunoya. Awa namore gege kota, kei awai nusora yaba inoise nowera numorekare dai potamunoya awa.

Kereninua 11:16

Ago sewa bua ema zezewenai 24 Anutura nana benaura arumai simaire nusokarera arumuro itewera ami bawa diro koiniro Anuture ego toise nu bowi wewa awa,

Kereninua 14:3

Nukare arumai simaire ata nena seka itai 4 ata bua ema zezewenai nana benaura dopero yere seka zo gamuwa. Yere awa ema eni meni gamuro ninai ine tepo wenua awa. Ema 144,000 zebura ema enira nana ena zuma wai nukare ami gege ninai ine te awa.

Kereninua 19:14

Bamunu utura ena goroba ema dubu giti nukare wo osi kapawai amira tame arumuro nu ama ganewa. Tama woi nusokare ewa-awanana sara-kisaramai.

Kereninua 19:4

Ago sewa bua ema zezewenai 24 ata nena seka itai 4 nukare bawa diro koiniro Anutu arumai simaire amira itewia awa bowi inoise ego sewa awa, “Me memeka awa. Haleluya!”

Kereninua 2:10

Be apunu-kakana yaya-buyaya nisokare nana kei awamunoya, amira azu oko wawe. Satan meni nikare gaero gamu sero nisokare nana eni benai sora potamunoya awa. Ago wai nisokare nana waiko be 10 amira mokara ena iwo kei awamunoya awa. Are nikare zewai wero ge naso puro noma betawa na nuai me nimorekare potamunona.

Kereninua 20:4

Na arumai simaire eni itiwa gina. Ema amira tame itiwa nukare ge kora wai ema awa. Ata Yesura bowi toise Anutura ge azu tepo puro noiwa duba nusokare kapewa amira ititi nusokare awa gina. Nukare gita wo goroba ata wo amira ititi awa bowi kaka wamu. Noko wo amira tagi owere awa nusokare nana meweneta wanera oko puro noisowa. Are ema dubu amira tama aiso bi ditira ena eriwa gina. Nukare eriro Kristore dai ema tua bua inoise noe dowa zepa 1,000 tepo wenua.

Kereninua 3:18

Are na nimorekare sana niniu. Nikare gol gita niaora potina wowo awero tepo wenu me gege itewia awa naso nana ena zuma gaero pumuro amire nikare waure wamunowa awa. Ota tama woi kapawai naso nana ena zuma gaero wosuniro menai nisokare gogowewo. Ago wero giti moka panaira gawi naso nana ena zuma gaero giti moka nisokare anewo pumai giti panawe.

Kereninua 4:10

bua ema zezewenai 24 meni arumai simaire amira arumuro itewia, nu nuai gege nowia, amira nana benaura bawa diro koiniro nu bowi inowera. Ago inoise ema tuara giti simaira nena nusokare dutuniro te nusora potiro ego towera awa,

Kereninua 4:6

Ota arumai simaire amira benaura meni awa nena zo ewa nazi ine, gasa ziwamunoya, ami itinua awa. Nena seka itai 4 ami arumai simaire awa zimuro itiwa. Nukare zazanare tipare awa dapikarago giti moka daba.

Kereninua 5:11

Na iri niro angelo dainiro-bake gosinoise amire gera awi nusokare ninina. Nukare arumai simaire ata nena seka itai ata bua ema zezewenai awa zipinoise dopewa awa. Namba nusokare gai te wai ine tepo, ami ten tausen dubu giti dubu giti, wan tausen dubu giti dubu giti dopinoise amire

Kereninua 5:14

Ago sewa nena seka itai 4 nukare ego sewa awa, “Iyo, me awa.” Ota bua ema zezewenai meni awa bawa diro koiniro bowi wewa awa.

Kereninua 5:6

Are nama giti ziwataniro arumai simaire ata nena seka itai 4 amira nana soe, ota bua ema zezewenai nana awa Lama zo dewa betero seka wenua ami dopero itinu gina awa. Koe nuso 7, ata giti moka nuso da ago ine 7. Giti moka nuso 7 awa Anutura Ozana 7 nukare zebu sero iyetai awa.

Kereninua 5:8

Papia winai awa pumunu nena seka itai 4 ata bua ema zezewenai 24 nukare Lamara nana zora baro bawa diro koiniwa awa. Nukare gita yere gamaira nusokare ata akou nusokare gol meni wai awa dai puro nuso nana bamuwa awa. Akoura mokara ena ibosi zama ewananare bemuro itinua. Ibosi awa Anutura ema dubu amira isa awa.

Kereninua 6:11

Ago sewa nu tama woi kapawai tere-tare potiro tepo wero amire ego senua awa, “Bua mai otao mamai nisokare eni da ago ine dara bebetenara namba nisokare gita sena zewai wenua awa witiro te waise zanatitinoise dia pei-kaka wewo.”

Kereninua 7:11

Are angelo dapikarago arumai simaire ata bua ema zezewenai ata nena seka itai 4 awa zimuro dopewa awa. Dopero arumai simaire amira nana bawa diro koiniro Anutu bowi inoise ego sewa awa,

Kereninua 7:9

Na dubu awa giro tepo wero amire noko zo da ago ine gina awa. Zebu serora ema dubu giti tama aiso nusokare neire-neire, ota ge nusokare da ago ine neire-neire, amira nana agewara dubu witai-bake, ema zo meni azimai ine tepo, nukare ami arumai simaire ata noko Lamara nana zorage damu dopero itiwa gina awa. Nukare mo tama woi kapawaire gege. Ata wana nusokare meni simia puro dopero

Kereninua 9:7

Ariri babezinoma awa gina wo osira noise zuzuna wamu sero nena durerenawera pupinowera ago ine wewa awa. Giti kopi nusokarera nena zo itinua awa gina giti simaira nena gol meni wai ago ine wenua awa. Ota giti benau nusokare meni awa emara ine.