Kereninua 3:11 - Suena

¹¹ Na be apunu-kaka gege mamunona. Are utura wau nimorekare sai awa zo meni pumai azu, ge puro nowewa awa ziro tata-tata inoise noiwo.

Kereninua 3:11 ပူးပေါင်းရင်းမြစ်များ

1 Korinti 9:25

Spot wai mai nukare putoura etete bua inoise sienai susu giti inowera. Awa nukare simai sisai awa pumamu ago inowera. Ata nanekai meni awa simai me itai gege itai awa pumamu sero ago inowenakai.

Filipai 4:5

Ema dapikarago ami awa-diai nisokare garise. Tuara kei awai be zora awinoya.

2 Timotire 2:5

Zo nu otao enire saibore sumamu inoise saiborera potai ge ama ganinoise mai eni dainai amire zuma numore potamunora. Ota nu supinoise potai ge dainamunoya, awa zuma numore oko potamunora.

2 Timotire 4:8

Are ema saramaira giti simaira nena namore asero woi wai itia, awa noma be bamura ena Tua naso nu zas bua me gege wamunoya ami namore potamunoya. Awa namore gege kota, kei awai nusora yaba inoise nowera numorekare dai potamunoya awa.

Yakobo 1:12

Zo nu gaero gamu waira ena zewai wero nuamunoya ami yawa sara wamunoya. Nu zewai wero duba nuso me dago potai zewai wai Tua meni ina nuso potamunoya awa. Ina awa nuai me ewanana. Anutu meni ina awa ema nu ara tapinowera amire potamu seroninua awa.

Yakobo 5:9

Otao mamai, Anutu meni nikare gera potai azu, nikare zuzu ina-sa oko wawe. Ninitinowa. Awina-dawina waira Mama, nu maira be zora awinoya.

Kereninua 1:3

Ge emi nena ama kei awamunoya amira ge awa. Are zo nu ge gayai ei awa kereniro pena-pana azimamunoya, nu ata azipitinuai eni meni niniro dube potiro dimamunora, nukare ami yawa sara warise. Nera kota, ge emi me waira be nuso zora awinoya.

Kereninua 16:15

“Ei giu! Na bewana wai ema meni tutamu kei awago wamunona. Zo nu tama woi tepo noma menai tamai azu, duba sekare noise tama woi nuso dia wero baitaise. Ago wai amire gana yawa sara wamunoya.”

Kereninua 2:10

Be apunu-kakana yaya-buyaya nisokare nana kei awamunoya, amira azu oko wawe. Satan meni nikare gaero gamu sero nisokare nana eni benai sora potamunoya awa. Ago wai nisokare nana waiko be 10 amira mokara ena iwo kei awamunoya awa. Are nikare zewai wero ge naso puro noma betawa na nuai me nimorekare potamunona.

Kereninua 2:13

Nata nikare nowewa amira susu gosinona. Nata amira Satan meni ema tua wero itia. Ata nikare zazo bowire naso ziro puro nowewa. Sai dimai naso ewanana Antipa nu nata nisokare Satan meni itai-matai inowia amira ana iwo meni dewa ata saineba nikare be amira ana na ziro tata-tata wero oko beyata wewa.

Kereninua 2:25

Daimata gege ewa potitinona. Ge naso nisokare nana itia awa zewai wero puro nuawa amire na mane.

Kereninua 22:12

Tua Yesu meni ego toya ewa, “Ei giu! Nama apunu-kaka gege mamunona awa. Emara wai amira ina puro mamunona. Puro muro nuai nisokarera te potamunona awa.

Kereninua 22:20

Kerenai ge ei awa soga inowia ami ego toya ewa, “Me memeka, na eya mamunona awa.” Me memeka, Tua Yesu, ni muyo!

Kereninua 22:7

Yesu meni ego toya, “Ei giu! Na apunu-kaka gege mamunona awa. Are zo nu buku emira ge gayai awa puro nuamunoya ami yawa sara wamunoya awa.”

Kereninua 3:3

Ge gita nimorekare tugata wero gipewa giwa awa kotumuwo. Kotupitinoise dia wero baitiro puro noise duba nisokare kapeteniwo. Nikare kaka seka zisero uma wamu wawa giro na bewana ema meni wago wero nisokare nana tutamu mamunona. Nikare be naso maira bowi oko ninamunowa.

Kereninua 4:10

bua ema zezewenai 24 meni arumai simaire amira arumuro itewia, nu nuai gege nowia, amira nana benaura bawa diro koiniro nu bowi inowera. Ago inoise ema tuara giti simaira nena nusokare dutuniro te nusora potiro ego towera awa,

Kereninua 4:4

Are arumai simaire bamu amira demabera arumai simaire 24 ami nuso nana zimuro itiwa awa. Arumai masi amira bua ema zezewenai 24 ami arumuro itiwa awa. Nukare tama woi kapawai gege wosuniro itiwa awa. Ota ema tuara giti simaira nena zo gol meni wai ami giti nusokarera itinua awa.