Kereninua 3:1 - Suena

¹ Dubu naso Sadis nate nowera amira angelore ge ego gaero potiyo bayae: Na Anutura Ozana 7 ata kuna 7 puro nowena ami nimorekare ego tona ewa: Na wai nisokarera susu awa gosinona awa. Ema meni nikare gawera seka nowewa ine inowia awa. Ota duba nisokare meni awa betai ine itewia, awa gosinona.

Kereninua 3:1 ပူးပေါင်းရင်းမြစ်များ

Luka 15:24

Nera kota, mai naso ewa betisia asinoise nowena ami kei awetia. Ota mai tara awisa awa zeme tamena.’ Ago senu nukare zaawero yawa sara wewa awa.

Luka 15:32

Ata zeme nakai yawa sara wanakai moka nasokai ewanana waise. Nera kota, nami niso betenua ami seka wero eria. Nu tara awenua ami kei awetia. Are nu emo yawa sara inonakai te inoya.’”

Yohane 1:16

Nakai dapikarago ami dumi yagaba ewa-gaewa awa zamai nusora ena purota puro awinowenakai.

Yohane 1:33

Na gita nu oko gina kei awenua, ata Anutu meni nane ema bama ge ou gutanise sero ego senua awa, ‘Ozana osero nuso nana arumuro itai ema ami ge sai amire ema bama Ozana pumamunora.’

Yohane 20:22

Ago sero ozana nuso pise nusokare nana niro ego senua awa, “Ozana pumuu.

Yohane 3:34

Ema Anutu meni senu osenua ami Anutura ge towia. Nera kota, Anutu meni Ozana zere dago numore potai gege potitinowia.

Aposolo 2:33

Anutu Mama nusora zumai meni zumi witiro Anutura wana mera arumi Mama meni Ozana potamu senua, awa numore poti puro tani ninitinoise gosinowa awa weti kei awetia.

Efeso 2:1

Nikare gita pasina tebe-tabe inoise noisowa ami emo ititi nisokare taragiro ema betai ine noisowa awa.

Efeso 2:5

are nakai ge dai nasokaira ema ititi betaire noisonakai be amire nakai Kristore dai betaira ena awa-uzenua awa. Ninitinowa: Bayao nusora nikare kora wenua awa.

Kolosai 2:13

Nikare ema Yudako meni gita tamara owe tepo noise pasina tebe-tabe inoisowa, ami nuai me tepo ema betai ine wero noisowa awa. Ago noe dowa Anutu nu pasina nasokai doro nikare Kristore dai awa-uzenu seka wewa awa.

1 Timotire 5:6

Ata kuma tamara awita sai ama ganinowia ami bama ititi tepo meni nuago inowia.

Yakobo 2:26

Are tuma diaira susu ego ine itia ewa: Tama aiso ozana tepo wawi betero isasa inowia, da ago ine tuma diai meni soremai bua tepo awa isasa ine inowia awa.

1 Petoro 1:11

Kristo nu yaya mena-mana pupinoma simai zasimaire nuso puro nuamunoya amira ge Ozana nuso meni duba nusokarera potasai nukare “be nere ni, ota tani nogo ine kei awai amire Kristo kei awamunoi?” ago toise noisowa awa.

Yuda 1:12

Ema ami ana-bona nisokarera kei awero azu tepo tebe-tabe inoise bona nisokare bemiti wawera inagainowia. Nukare nusokare gege kotupitinowera. Nukare bereze wa kaka wamu inoise zebure eramare kaka soremamu tepo bisi meni pisawi bayawi tepo inowia, ago ine nowera. Nukare awa dai ni meni be nusora me kaka ziamu inowia ago ine. Nukare ni tatawire ipure nuso amawi giro ema meni susu nuso sokinowera ago ine.

Kereninua 1:11

Ge ego ine kei awenua awa, “Nena gosinosa awa bukura gaero potiyo dubu naso 7 ego emira nana bayae: Efeso natara ata Semena natara ata Pegamam natara ata Tayataira natara ata Sadis natara ata Filadefia natara ata Leodisia natara.”

Kereninua 1:16

Wana me nuso meni kuna 7 awa ziro dopenua; ota be so nusora ena bogi waira kasiwa zo di enibare enibare dire-dare kei awenua; ota benaure giti moka nusore meni awa waiko zewai-zawai zasi-karasipitinowia ago ine zasimunua awa.

Kereninua 1:20

Are wana me nasora kuna 7 gesa ata damanara dapai susu 7 gol meni wai gesa awa nena bezai awa. Are amira susu sana nini. Kuna 7 awa dubu 7 amira angelo nusokare awa. Ata damanara dapai susu 7 awa dubu 7 awa.”

Kereninua 1:4

Na Yohane meni Tuara dubu 7 Asia zebura itewewa nimorekare ge ei awa gainona. Anutu, nu gita itisonua, itewia, itamunoya, ata Ozana 7 nuso nana benaura itewera, ata Yesu Kristo nu Anutura ge sai ema me, o nu gita betaira ena erinua, o nu zebura ema tua amira giti kopi wero nowia, nukare Anutu Mama, Mai, Ozana amira nana ena dumi yagabare duba-ozaire meni semu nisokare nana niro itaise. Nu namorekai dubara dumi pupinowia. Noko orara nuso meni pasina nasokai disenua.

Kereninua 2:13

Nata nikare nowewa amira susu gosinona. Nata amira Satan meni ema tua wero itia. Ata nikare zazo bowire naso ziro puro nowewa. Sai dimai naso ewanana Antipa nu nata nisokare Satan meni itai-matai inowia amira ana iwo meni dewa ata saineba nikare be amira ana na ziro tata-tata wero oko beyata wewa.

Kereninua 2:19

Na wai nisokare ata dumi pumai nisokare ata ziro tata-tata wai nisokare ata bua nisokare ata yaya dimaira putou nisokare amira susu gosinona. Nikare gita bua kokopai inoisowa, ata zeme ewa bua matu awa dainiro bua koko-kakopai inowewa, awa gosinona.

Kereninua 2:2

Na wai nisokare gosinowena. Bua bamubake inowewa ata berea tepo zewai inowewa amira susu awa gosinowena. Ninekare ema waya-kawaya awa gawewa waya inowia. Noko ema eni meni opi toise nutopekare “Nakare aposolo” asinowera, amira opi nusokare niniwa kei awenu nukare opi sai ema awa giwa.

Kereninua 2:9

Nikare iwora mokara bogamasa nowewa, awa na gosinona. Ata wau nisokare itia. Ota ema eni meni nutopekare “Nakare Yuda ema” asinoise ge waya nimorekare towera, awa ninitinona. Nukare Yuda ema me oko aewa. Nukare Satanra ema dubu awa.

Kereninua 3:15

Na wai nisokarera susu gosinona. Erama meni ou uza wawi giro ou me ninowera, ata ou ewa uza awa niro giro tuginowera. Agoro nikare ge naso awa puro putoure oko inowewa. Noko oko azu towewa. Are nikare ou ewa uza ine wero nowewa awa.

Kereninua 3:2

Are nikare seka zisero uma weu. Tani ewa-gaewa eni nisokare nana soe itewera awa tepo wamu sero inora, ami emo duba awa-uzinoise puro noiwo. Nera kota, na Anutura nana benaura ena wai nisokare gena te kaka wamu inoya.

Kereninua 3:8

Na wai nisokarera susu gosinona. Ei giu! Na nisokare nana benaura ge naso tugata waira ebata awa so be piai ine potina itia. Ebata awa zo meni gazai ine tepo. Nikare putou mai pei-kaka gege itia awa gosinona, ata saineba, nikare ge naso dia wero baitiro puro noise zazo bowira naso oko begi wisewa.

Kereninua 4:5

Ota arumai simaire bamu amira ana piri-piri awasai tarara bezasai awi duruka sasai awinoinua awa. Ota arumai simaire amira benaura bana 7 awero beriberi inoiwa gina. Awa Anutura Ozana 7 awa.

Kereninua 5:6

Are nama giti ziwataniro arumai simaire ata nena seka itai 4 amira nana soe, ota bua ema zezewenai nana awa Lama zo dewa betero seka wenua ami dopero itinu gina awa. Koe nuso 7, ata giti moka nuso da ago ine 7. Giti moka nuso 7 awa Anutura Ozana 7 nukare zebu sero iyetai awa.