Kereninua 20:11 - Suena

¹¹ Arumai kapawai bamu zo gina. Arumai amira ema zo arumuro itinua, nuso nana benaura ena uture zebure azu bamuwato itai nusoto tepo wenua.

Kereninua 20:11 ပူးပေါင်းရင်းမြစ်များ

Matiu 11:22

Are sana niniu. Anutu meni erama awina-dawina inoise ina numorekare potamunoya be amire Tayato Saidon natara ema bama meni ina osai tamamunora. Ota ninekare meni awa ina nisokare bamubake tamamunowa.

Matiu 24:35

Ama uture zebure nuto sisero tepo wamunorato awa, ata ge naso meni awa oko sisero tepo wamunoya.

Matiu 25:31

Noma ama na Emara Mai meni utura zasimai nasore angelo dubure dai kei awero Tuara arumai simena-gaena wai amira arumuro itamunona.

Roma 2:5

Nikare duba dau wero duba nisokare kaka kapetenamu noma ni ture tamere potiro wititinoma ni diti wawa niao awaira bera ena Anutura sai tepo waira ge me ami kei damu niro nikare awai betamunowa.

2 Petoro 3:7

Ata uture zebure zeme iterato ami meni awa Anutura ge meni soeti niaora gegenai wero iterato. Anutu meni erama awina-dawina inoise ina potamunoya be amire ema waya-kawaya Tuara kotora ena duro sisarise awa dia iterato awa.

Kereninua 12:8

Ata zewai oko wewa. Maikel dubu nusore meni ugama dubu nusore awa puro osero utu soewa.

Kereninua 16:20

Ago wewa gutu dapikarago tepo wewa, ata dirumu dapikarago tara awewa awa.

Kereninua 19:11

Are na giti ziwataniro utu zaumunu wo osi kapawai zo gina. Amira tame itinua nu zazo nuso ego ine itinu gina: “Ema bua nuso dia wero baitai,” ata, “Ema tani me daba me wai.” Nu emare bamere gera potiro me gege towia. Ata nu bogi-zuzuna wamu wero giro erama siana-katana inoise bogi inowia.

Kereninua 20:2

Nu ugama awa zazo nuso “Zi matu” ata “Erama gera potai ema” ata “Satan”, nu awa ziro pumuro sen meni beniro zepa 1,000 muire itaise sero

Kereninua 21:1

Na utu sekare zebu sekare gina. Nera kota, utu mature zebu mature emoko tepo wewato. Ewa da ago ine emoko tepo wenua.

Kereninua 21:5

Are arumai simaire amira itinua ami ego senua awa, “Ei giu! Na nena bamubamu awa seka-sakama tapinona.” Ago sero namore ego senua awa, “Ge awa me memeka me, are gaeyo.”

Kereninua 4:2

Ago tuaise Ozana meni duba naso pumunu utura ena arumai simaire zo itinu amira tame zo meni itinu gina awa.

Kereninua 6:14

ota utu meni awa papia wininowenakai ago ine winero baro tepo wenua; ota dirumure guture meni awa itai nusokare awa dowa awa.