Kereninua 2:24 - Suena

²⁴ Tayataira natara ema eni nikare opi ge awa azu towewa, na nimorekare ge ego tona ewa: Nena eni Satanra uwiwi moka amira nena bezai asinowera, awa nikare kaka giro puro nuamu inowewa, are nimorekare sana niniu. Na bua mou eni nimorekare oko potitinona.

Kereninua 2:24 ပူးပေါင်းရင်းမြစ်များ

Aposolo 15:28

Ozana ata nakare ami nena mou zo oko susumamunonakare. Potai ge ei awa gege potamu sero sesenakare te wetia awa.

Aposolo 16:14

Nusokare nana bama zo meni Anutu sou inoise noisonua, zazo nuso Lidia. Nu mo bewa-dito zuma bamure amira stoara mia. Nu Tayataira natara. Are bama awa Tua meni senu kotumai nuso zazenu nu Paulora ge dana zaawero nininua.

1 Korinti 2:10

Nakare awa Anutu meni Ozana nuso senu kotumai bezai awa kereninu ginakare. Ozana nu nena bamubamu awa giro wamuro tepo inowia. Anutura susu bezero baitai awa dai gosinowia.

2 Korinti 11:3

Ami emo zi meni bama Ewa eteteninua da ago ine ema eni meni nikare etetenara duba nisokare daimata awa zazaumai nikare seronai nisokare Kristo duai azu, na kotumu-katumu inona awa.

2 Korinti 2:11

Awa Satan meni nakai puro osai azu, ago inona. Nu namorekai waya wamu kotupitinowia awa oko kau inonakai.

Yakobo 3:15

Dubara kotumai ago ine awa ike ena oko osenua. Tepo awa. Kotumai ago ine awa zebura ata emara gege. Awa Satanra nana ena tupewia.

Kereninua 1:11

Ge ego ine kei awenua awa, “Nena gosinosa awa bukura gaero potiyo dubu naso 7 ego emira nana bayae: Efeso natara ata Semena natara ata Pegamam natara ata Tayataira natara ata Sadis natara ata Filadefia natara ata Leodisia natara.”

Kereninua 12:9

Ago inoise ugama bamu awa musuniwa ose zebura ninua awa. Nu awa zi gita ona noisonua nowia. Nu awa erama gera potai ema. Zazo nuso Satan asinowera. Nu zebu sero amira ema etetenitinoise nowia. Nu musuniro angelo dubu nuso dai musuniwa ose zebura niwa awa.

Kereninua 13:14

Tani putoure ago ine awa waise Anutu nininua, are wo ami wo goroba bamu gita kei awenua amira nana benaura tani putoure inoise zebura ema dapikarago eteteninua awa. Ago inoise senu wo goroba bamure awa kasiwa meni dewa betago wero erinua amira ititi zo kewewa awa.

Kereninua 2:13

Nata nikare nowewa amira susu gosinona. Nata amira Satan meni ema tua wero itia. Ata nikare zazo bowire naso ziro puro nowewa. Sai dimai naso ewanana Antipa nu nata nisokare Satan meni itai-matai inowia amira ana iwo meni dewa ata saineba nikare be amira ana na ziro tata-tata wero oko beyata wewa.

Kereninua 2:18

Dubu naso Tayataira nate nowera amira angelore ge ego gaero potiyo bayae: Na Anutura Mai, giti moka naso niao beriberi wai ine, ata te naso aen kaewa wai ine, ami nimorekare ego tona ewa:

Kereninua 2:9

Nikare iwora mokara bogamasa nowewa, awa na gosinona. Ata wau nisokare itia. Ota ema eni meni nutopekare “Nakare Yuda ema” asinoise ge waya nimorekare towera, awa ninitinona. Nukare Yuda ema me oko aewa. Nukare Satanra ema dubu awa.