Kereninua 2:14 - Suena

¹⁴ Ata na ge nisokare nana eni itia. Nisokare nana natara ema eni nora, nukare porofete Belamra ebata patitinowera awa. Belam meni ema Yudakora ema tua Belek amire kotumai zo potinu nu Isreli ema pasina warise eteteninua. Etetenitinoise tua opi amira ana-bonare bamere meni zumunu amira mokara toiro pasina wewa awa.

Kereninua 2:14 ပူးပေါင်းရင်းမြစ်များ

Matiu 18:7

Pasinara uzutai eure-taure ami kei awero ema bama uzutai pasinara duwamunora. Ata zo nu ema bama pasinara uzutamunoya ami waya waise.

Aposolo 15:29

Nikare wo tua opire zame potai amira pisita wora orarata wo duba anisemai betai orara mokara itai, awata bama bewana wai, awa doro baitiwo. Nena awa duamunowa, awa kokopai nuamunowa. Ge kaka awa. Tuare dai noiwo.”

Aposolo 21:25

Ota ema Yudako tuma diaire nukare wo tua opire zame potai awa oko narise, wora orara oko narise, wo duba anisemawera betawera orara kaka zozamu inowera amira me oko narise, bama bewana oko warise — nena ago awa duarise nakai ge te sero pas zo gaero potinakai awa.” Ago sewa awa.

Roma 11:9

Dawidi meni ge ego gaenua awa, Zamai nusokare meni wawa ine o geta ine wero kaka wero itaise. Ago wai nuara ina nusokare kei awaise.

Roma 14:13

Are nakai kotumai waya otao mamaire oko wanekai. Ego ine awa wanekai: Nakai otao mamai eni duba nusokare sisinoise kotumai waya numorekare tamai azu, saitiro nuanekai.

Roma 14:21

Ni otao nisora duba gera wai azu, nu emo wota ou wainta nena eni awa azu duasa te wamunoya awa.

Roma 9:32

Nogoro? Ego emira: Nukare tuma diaira kota, nuai nusokarera ewanana wamu sewa awa. Ago inoise omata zo ebete itinua amira te nusokare gaero duuwa awa.

1 Korinti 1:23

Nanekare meni awa Kristo ni pasinaira dewa betenua amira ge sawenakare Yuda ema nukare gawera waya inowia, ota ema Yudako meni awa ninawera dau ge ine inowia awa.

1 Korinti 7:2

Ata daimata, duba-dubara etetenai itia, are ema meni bama atiro numore dai ewanana nuaise. Ota bama meni da ago ine, nu ema atiro numore dai ewanana nuaise.

Hibru 13:4

Nikare dapikarago iu ara wero nuai awa gawa nena me bamubake waise. Tani soa patitinoise bemitire nuai kota, tani atiro neine nuai ami zewai waise. Ota yai mono inowera ata atiro doro awinowera nukare awa Anutu meni ina potamunoya awa.

1 Petoro 2:8

Noko numorekare ge gayai zo ego itia awa, Omata amira te nusokare koinamunora. Omata amira ema meni te koiniro duwamunora awa. Nukare Tuara ge doinowera amira nukare te koiniro duwitinowera. Nukare ago warise sai itia.

2 Petoro 2:15

Nukare eba me awa doro baro tara awewa. Nukare Belam Beorira mai amira te esa patiro ama ganewa awa. Nu pasina wero moni pumamu ara tamunua.

Yuda 1:11

Yei, nukare noma nago bayamunori? Nukare Kainra ebata patitinowera, ata noko nukare wau moni emo zewai-zawai inoise Belamra etetenai awa tapinowera. Ota Kora meni tama nuso puro wititinoe nu nutope sisenua, ago ine nukare tama puro witai nusokarera sisinowera.

Kereninua 2:20

Ata na ge nisokare nana eni itia ewa: Nikare bama zazo Zesabel awa giro awa-diawewa nune “na porofete bama” asinoise soumai dubu naso ge gipinoise awa-gayawi eba bamere noise tua opi amira ana-bona wero ninowera awa.

Kereninua 2:4

Ata na nena ego emira nimorekare gawena waya inowia awa: Nikare gita na yaba bamu inoisowa awa doro nowewa.

Kereninua 21:8

Ata ema ego ine ami niaora baro itamunora: bogira burau wai ema, sero duai ema, ema moka waya, mai dai betai ema, bama bewana wai ema, kayo wai ema, tua opi bowi wai ema, amire opi sai ema awa. Nukare dago niao awinoise itewia amira bayarise sai awa. Niao awa betai namba tu awa.

Kereninua 22:15

Nata atura erama ego ine nuamunora: Ema waya-kawaya suna ine, ata ema kayore nowera, ata ema kuma inowera, ata ema mai dawera betinowera, ata ema tua opi bowi inoise puro nowera, ata ema opi puro noise gawera me gege inowia awa. Nukare ago ine ami nata atura nuamunora.