Kereninua 17:7 - Suena

⁷ Ago wena angelo meni na ego atata wenua awa, “Nogoro wana di gapinosi? Na bamera susu ata wo giti kopi nuso 7 o koe 10 ami bama dipinoya amira susu dago sana ninamunosa.

Kereninua 17:7 ပူးပေါင်းရင်းမြစ်များ

2 Tesalonika 2:7

Be zeme emire ge dai meni bua nuso tura-tura inowia awa. Ota eba gazinowia nu daitai amire

Kereninua 1:20

Are wana me nasora kuna 7 gesa ata damanara dapai susu 7 gol meni wai gesa awa nena bezai awa. Are amira susu sana nini. Kuna 7 awa dubu 7 amira angelo nusokare awa. Ata damanara dapai susu 7 awa dubu 7 awa.”

Kereninua 12:3

Nu ago inoise dopinoinu amire utura ena kotumai tamaira etete zo noko kei awenua, ami meni awa ugama bamu itinua. Awa tama nuso izai me izai; giti kopi nuso 7; ota koe nuso meni awa 10; ota giti kopi nusora ema tuara giti simaira nena 7 te wero potai itiwa awa.

Kereninua 17:8

Goroba wo bamu gesa awa gita noisonua, ata zeme oko noya, ama meni awa degara ena ewesemuro witiro muro gera wai zewai-zawai tamamunoya. Are wo gita noisonua, zeme meni awa oko noya, noma ama ewesemamunoya, awa zebura ema nu giro di tainiro yaba dasiga wamunora. Zebu zaawero kei awenua be amire zazo nusokare nuai bukura kaka gayamu ema dubu ami ago wamunora awa.

Kereninua 18:1

Are nena awa kei awenu gina amire angelo zo utura ena osenu gina. Nu putou bamu itinua, ota zasimai nuso meni zebu zasimuro tepo wenua.