Kereninua 14:7 - Suena

⁷ Nune ami arero ego senua awa, “Nikare Anutu azu wero zazo nuso de ike niwo. Nera kota, ina waira be nuso kei awinoya awa. Uture zebure eware ou gomire tamunua, nu awa bowi weu!”

Kereninua 14:7 ပူးပေါင်းရင်းမြစ်များ

Matiu 25:13

Yesu meni ago sero ge susumuro ego senua awa, “Nikare be awa kaka gamu, are dia wero baititinoise noiwo.” Ago senua awa.

Luka 17:18

Agoro ema 9 dago ewesemuro Anutura zazo bowire de ike nai sogo awa, ema Yudako ami imata gege mia ewa.”

Aposolo 14:15

“Yei, nikare nogoro ago inowi? Nato ema gege. Nato nikare ine awa. Nikare tua opi awa doro Tua nuaire awa tuma diawise Oziga Ewanana nuso nimorekare tonato. Nune uture zebure eware nena eure-taure tamuro tepo wenua.

1 Petoro 4:7

Nena bamubamu amira pesunai be zora awinoya. Are nikare isara peu wamu wero giro dau wai tepo kotumaire noiwo.

Kereninua 11:13

Nuto utura witiwato be da amire ana duwi bamu sumunua awa. Sumunu nata bamura ibu mara eni (1/10) zasero osero ema bama 7,000 dewa betewa awa. Ago wenu seka noiwa awa nukare azu wero Anutu utura Mama awa bowi wewa awa.

Kereninua 11:18

Ema bamubamu ami nimore tini kapaire nowera amira tini kapai niso meni kei awetia. Ema bebetenai amira ge sasa tepo waise amira be zora awinoya awa. Mai sou dubu niso porofete ata ge ninai ema — ema witaita osai nima samo doinowera — numorekare zuma potaira be zora awinoya. Ota zebu gera inowera nukare awa ina gera wamunosa amira be zora awinoya awa.”

Kereninua 15:4

O Tua, ema dapikarago ni samo darise sai awa. Ota ema dapikarogo zazo niso de ike narise sai awa. Ni daimata ami saramai awa. Ema dubu giti ami niso nana muro ni bowi wamunora; nera kota, ni ina potai bua me wetesa susu kei damu nitinoya.

Kereninua 16:9

Ago wenu ema waikora sina meni pena-pana awenu nukare Anutu be nusora yaya waya-kawaya awa kei awenua amira zazo bowire nuso dena-betena wewa awa. Ago inoise duba nusokare oko kapeteniro Anutu bowi wewa.

Kereninua 18:10

Ago inoise gera wai nuso giro azu inoise aike dopinoise ego samunora awa, “Yei, Yei. Nata bamu Babilon. Nata zewai. Ina niso eyane kei awago inoya awa.”

Kereninua 18:17

Zeme meni awa wau zamai niso dago tutamu tepo wetia.” Are wara mamana ata wara kapten soumaire ata bua ema ewara muro baro awinowera nukare da ago aikera dopero

Kereninua 18:19

Ago sero awetu gutero di toise ego sewa awa, “Yei, Yei. Nata bamu. Wara mamana meni zamai nisora wau monire wewa awa. Are zeme ei awa sisero waya eyane wago wetesa.”

Kereninua 19:5

Are arumai simaire amira ena ge ego ine kei awenua awa, “Anutura sou ema nikare, nikare dago nu bowi wero tepo weu! Witai osai ami nu azu inoise ago wawe.”

Kereninua 4:11

“O Tua nasokare Anutu, simai ata zazo bowire ata putou awa nimore gege potawenakare te wero baititinowia. Nera kota, nine gege nena bamubamu awa tamuro tepo wesa. Ota be nisora nena bamubamu kei awewa itewera.”

Kereninua 4:9

Nena seka itai 4 meni arumai simaire amira arumuro itewia, nu nuai gege nowia, nu amire kokopai asero bowi inoise yawa sara wawera te

Kereninua 8:10

Angelo namba 3 meni so nuso pisenu kuna bamu zo utura ena tekero osero bana ine awero beriberi wero ou ipu enira ⅓ ata ou gomira ena dagimunua awa.