Kereninua 14:3 - Suena

³ Nukare arumai simaire ata nena seka itai 4 ata bua ema zezewenai nana benaura dopero yere seka zo gamuwa. Yere awa ema eni meni gamuro ninai ine tepo wenua awa. Ema 144,000 zebura ema enira nana ena zuma wai nukare ami gege ninai ine te awa.

Kereninua 14:3 ပူးပေါင်းရင်းမြစ်များ

1 Korinti 1:18

Kristo nu ni pasinaira betenua amira uge awa gera-gaira waira eba patitinowera ami ninawera me tepo inowia. Ota korawaira ebatara nowenakai ami meni awa ninawenakai Anutura putou inowia awa.

1 Korinti 2:14

Ema Ozana tepo ami nena Anutura Ozana potitinowia amira susu kau inoise gawera opi wawi azu sero dotinowera. Nukare nena amira susu gai ine tepo. Nera kota, nena amira susu awa Ozanare meni daba ninai ine te inoya awa.

Kereninua 14:1

Are na iri niro Lama Zion dirumura dopero itinu gina. Ata numore dai ema 144,000 meni dopero itiwa gina. Mewa nusokarera Lamara zazore Mama nusora zazore gayai itinua awa.

Kereninua 15:3

Nukare Anutura bua mai Mose amira yere ata Lamara yere ego toise gapinoiwa awa, O Tua Anutu, ni putoura Mama, ni bua witai wawesa gawenakare ewanana inowia. O ema sero amira ema tua, ni opi tepo tani me gege inowesa.

Kereninua 2:17

Ozana meni Tuara dubure ge toya awa danare meni niniro baitarise. Zo nu Satanre bogi inoise pugeu wamunoya amire nena nai bezai utura itewi zazo nuso “mana” awa potana namunoya awa. Ago wero omata kapawai zo numore potamunona, amira tame zazo seka zo gayai itamunoya. Zazo seka amira susu awa ema omata pumamunoya ami nu nutope gege gamunoya awa.

Kereninua 5:9

Are nukare yere seka o ego gamuwa awa, “Nine papia nuso puro pika nuso piakanasa te wamunoya. Nera kota, ni dewa orara niso meni ema dubu sero zebu sero, tama aiso neire-neire ata ge duba neire-neire, nukare awa zuma wesa Anutura seronai wewa awa.

Kereninua 7:4

Ago senu amire ema owere amira namba nusokare ego ine sewa ninina awa: Isreli emara dubu giti amira nana 144,000 owere wai awa.