Kereninua 13:14 - Suena

¹⁴ Tani putoure ago ine awa waise Anutu nininua, are wo ami wo goroba bamu gita kei awenua amira nana benaura tani putoure inoise zebura ema dapikarago eteteninua awa. Ago inoise senu wo goroba bamure awa kasiwa meni dewa betago wero erinua amira ititi zo kewewa awa.

Kereninua 13:14 ပူးပေါင်းရင်းမြစ်များ

2 Tesalonika 2:4

Nu ami tama nuso puro wititinoise nena ema meni bowi inowera, o nena ema meni “Tua” asinowera awa dapikarago iwo inoise puro osero tepo wamunoya awa. Ago wero witiro Anutura ibu bamu amira arumuro itise amire nu nutope samunoya awa, “Nama Anutu awa.”

Kereninua 12:9

Ago inoise ugama bamu awa musuniwa ose zebura ninua awa. Nu awa zi gita ona noisonua nowia. Nu awa erama gera potai ema. Zazo nuso Satan asinowera. Nu zebu sero amira ema etetenitinoise nowia. Nu musuniro angelo dubu nuso dai musuniwa ose zebura niwa awa.

Kereninua 13:1

Are na gosinoina ewa tura ena wo goroba bamu zo meni kei awenua. Nu koe nuso 10, ota giti nuso meni awa 7. Ata koe nuso awa te wero ema tuara giti simaira nena 10 ami itiwa awa. Ata giti nuso awa te wero zazo waya-kawaya gayai itiwa awa.

Kereninua 13:15

Ititi awa puro potiwa dopenu Anutu meni nininu wo ama ami ozana pisenu ititi kewaira toinu seka ziro eriro ge senua awa. Ge toise sasai ema nu bawa kaka diamu wewa nukare awa dasai bebetenitinoisowa awa.

Kereninua 13:8

Are zebura ema dago ami nu bowi wamunora. Ema zazo nusokare Lama dewa betenua amira bukura kaka gayai itamu, nukare ami wore ago wamunora awa. Buku awa ema nuai me pumarise sai amira zazo awa zebu kaka tamamure ago gayai awa.

Kereninua 14:11

Are niao meni ema ago ine awa yaya potitinuai amira ibosi awa witai gege wititinoise itamunoya awa. Are ema wo goroba ata wora ititi awa bowi wamunora nukare ata ema eni wora tagi owere puro nuamunora, nukare awa yaya meni oko duamunoya. Be giti pi waiko awa yaya mokara zanatiai tepo itai gege itamunora awa.”

Kereninua 14:9

Ago sero bamunu nuso nana atune angelo otao nuso zo meni muro arero ge ego senua awa, “Zo nu wo goroba amire ititi nusore bowi wamunoya, ota mewa nusorata wana nusora tagi owere pumamunoya,

Kereninua 15:2

Are na ewa nazi zo gina, awa glas meni wago wai niaore dai siro-siro wai ine itinu gina. Are ema bogira pugeu wero wo goroba bamu ata ititi nuso ata zazo nusora tagi owere awa azu sero puro osewa ami ewa nazi glas ine amira tame dopero gita yere gamaira Anutu meni numorekare potinua awa puro itiwa gina awa.

Kereninua 16:13

Are nama gosinoina ugamara be sora ena ata wo gorobara be sora ena ata porofete oira be sora ena bi waya me waya etorobara gaya ine ami kei awewa awa.

Kereninua 16:2

Are angelo namba wan meni baro akou nusora nena zozenu zebura osenua awa. Osenu ema wo goroba bamura tagi owere puro noise ititi nuso bowi inoisowa nusokare nana tamara boya aya neire-neire witai kei awenua awa.

Kereninua 18:23

Damanara zasimai niso nana noko oko kei awamunoya. Ota ema bamera gewire ozinare da ago ine zo oko kei awamunoya. Nera kota, bisnis ema niso meni zebu serora baro amira ema babezinoma wero goe niso meni zebu serora ema eteteniro puro tepo wewa.

Kereninua 19:20

Iwo wamu sero kei awewa wo goroba ata porofete opi saire nuto awa saniro puro beniwa. Porofete opi sai nu gita tani putoure neire-neire wo goroba amira nana benaura inoise ema wo goroba amira zazo dimuro puro noisowa, o noko ititi nuso bawa diro bowi inoisowa, ema dubu awa etetenitinoisonua. Are wo goroba ata porofete opi sai ema nuto seka dago pumuro ape niao awinoise itewia amira niwa osewato awa.

Kereninua 2:10

Be apunu-kakana yaya-buyaya nisokare nana kei awamunoya, amira azu oko wawe. Satan meni nikare gaero gamu sero nisokare nana eni benai sora potamunoya awa. Ago wai nisokare nana waiko be 10 amira mokara ena iwo kei awamunoya awa. Are nikare zewai wero ge naso puro noma betawa na nuai me nimorekare potamunona.

Kereninua 20:10

Are Satan duba nusokare siso-siso inoise noinua awa nu niao awinoise itewia amira apewa osenua awa. Wo goroba ata porofete opi sai nuto masi da amira itiwato awa. Are nukare etorobara pi waiko yaya mena-mana zewai-zawai tamuro susawise itamunora awa.

Kereninua 3:10

Nikare putoure wero dia wawise sena amira ge naso awa dimuro puro nowewa, are yaya bamubake meni ema zebu sero awa zipero gamu wamunoya be amire nane nikare soero pumamunona. Yaya ami zebu sero ema bamubamu dapikarago amira nana te kei awamunoya.