Kereninua 11:19 - Suena

¹⁹ Nukare ago sewa amire utura ena Anutura ibu zaumunu tairo nuaira maguru ibu mokara itewia awa damu kei awenua awa. Ago wenu piripirire ge gunaire tararare duwire wa boruza ais ine awa kei awenua awa.

Kereninua 11:19 ပူးပေါင်းရင်းမြစ်များ

Kereninua 11:13

Nuto utura witiwato be da amire ana duwi bamu sumunua awa. Sumunu nata bamura ibu mara eni (1/10) zasero osero ema bama 7,000 dewa betewa awa. Ago wenu seka noiwa awa nukare azu wero Anutu utura Mama awa bowi wewa awa.

Kereninua 11:15

Are angelo namba 7 meni so pisenua. So pisenu utura ena ge bamu gunewa awa. Guninoise ego sewa awa, “Tua nasokai ata Kristo Anutu meni Ema Tuara buara gegeninua, nuto zeme Tua waira putou puro zebu serora Tua wero norato. Agoro Tua wero nuai gege nuamunorato.”

Kereninua 12:1

Utura ena kotumai tamaira etete zo ego ine kei awenua awa. Bama zo dopenua, nu awa waiko mo meni awago wai, te nusora bage awa inua itinua, ota giti nusora meni awa kuna 12 ami zimuro giti simaira nena nuso wago wero itiwa awa.

Kereninua 16:1

Are na ibura masi sara-kisaramai amira mokara ena ge zawa sai bamu osenu ninina. Awa angelo 7 ego tugata wenua awa, “Nikare bamuro akou 7 zozawa Anutura tini kapai meni zebura osae.”

Kereninua 16:18

Are piripirire awi durukare tararare kei awenu amire duwi bamubake sumunua. Gita duwi ago ine zo ema kei awero noisowa nowera amira nana ago kaka sumamu awa.

Kereninua 16:21

Are utura ena ais wa ine buroro-baroro, mou nuso bek rais ine 50 kilo, ami wa meni osago wero erama denua awa. Ago wenu nukare ais waya me waya amira yaya bamu tapinoise Anuture ge waya-kawaya sewa awa.

Kereninua 19:11

Are na giti ziwataniro utu zaumunu wo osi kapawai zo gina. Amira tame itinua nu zazo nuso ego ine itinu gina: “Ema bua nuso dia wero baitai,” ata, “Ema tani me daba me wai.” Nu emare bamere gera potiro me gege towia. Ata nu bogi-zuzuna wamu wero giro erama siana-katana inoise bogi inowia.

Kereninua 4:1

Na nena awa giro tepo wero amire iri niro utura toyai be zo piakanai itinu gina awa. Are gera awi gita sora awi ine ninina awa da ami kei awero namore ge ego ine tugata wenua awa, “Ni ego witasa amire nena ama kei awamunoya awa nimore sero gipero awana gase.”

Kereninua 4:5

Ota arumai simaire bamu amira ana piri-piri awasai tarara bezasai awi duruka sasai awinoinua awa. Ota arumai simaire amira benaura bana 7 awero beriberi inoiwa gina. Awa Anutura Ozana 7 awa.

Kereninua 7:15

Are zeme nukare Anutura arumai simaire amira zora noise pi waiko awa ibu nusora ena sou bua nuso inoise nowera awa. Are arumai simaire amira itewia ami nukare doena-doeti inoise nuamunoya.

Kereninua 8:5

Angelo ami ago wero amire altara ena niao pumuro poti akou nusora ninu akou be munu zebura wiekeninu osenua awa. Osenu piripiri awenu tarara awi durukare gatenu duwi sumunua awa.

Kereninua 8:7

Ago wero angelo namba wan meni so pisenu wa ais zewai-zawai ata niao orarare dara siro siro wai ami zebura osenua awa. Osenu zebu agewa ⅓ niao meni awero tepo wenua awa. Ota ni agewa ⅓ niao meni awero tepo wenua. Ota yekere zewakare dapikarago niao meni awero tepo wenua awa.