Kereninua 11:12 - Suena

¹² Ago wewa amire utura ena zawa bamu ego ine nusoto nana osenu niniwato awa, “Nito ego witiro muuto!” Ago senu iwo dubu nusoto nuto gosinoiwa amire nuto bereze meni pumunu utura witiwato awa.

Kereninua 11:12 ပူးပေါင်းရင်းမြစ်များ

Luka 16:23

Ago inoise iri niro Abraham zora-zarako itinu Lasaro meni awa zorage numore dai itinu ginua awa.

Aposolo 1:9

Ge ago sero nusokare nana giti mokara witinua. Wititinoinu bereze meni nu gogo wero puro witinu kau wewa awa.

1 Tesalonika 4:17

Erara seka nowenakai ami numorekare dara susumanakai bereze meni nakai eya tutamu puro witai soe ena Tua tamamunonakai. Ago wero Tuare dai itai gege itamunonakai awa.

Kereninua 12:5

Are mai mata diri pumunua, awa nu zebu serora ema dubu giti awa bogi aen meni dia waise sai awa. Are mai kei awenu puro witiro Anutura nana arumai simaire amira zora potiwa awa.

Kereninua 3:21

Zo nu Satanre bogi inoise pugeu wamunoya, nu awa nane pumu naso nana niro masi arumai simaire naso amira namore dai arumamunonato. Na da ago ine bogira pugeu wero noe Mama nasora masi arumai simaire amira arumuna itewena awa.

Kereninua 4:1

Na nena awa giro tepo wero amire iri niro utura toyai be zo piakanai itinu gina awa. Are gera awi gita sora awi ine ninina awa da ami kei awero namore ge ego ine tugata wenua awa, “Ni ego witasa amire nena ama kei awamunoya awa nimore sero gipero awana gase.”