Kereninua 1:9 - Suena

⁹ Na gera otao nisokare Yohane ami Yesu nana susumuro nimorekare dai iwora tame wititinoise Anutura nuai seka puro noise zewai wero nowena. Na Anutura ge ata Yesura ge uge awa tugata inoina giro na puro beniro gutu zazo Patimos amira potiwa itisona awa.

Kereninua 1:9 ပူးပေါင်းရင်းမြစ်များ

Matiu 20:23

Ago sewato nu numoreto ina ego senua awa, “Ou dokaka zo namunona, awa namunowato. Ata nito naso nana zo wana mera zo wana anikara arumuro itamunowato amira ge awa nane sai ine tepo. Mama naso nu duba nuso meni mai eni kotupitinoise masi awa sia wenu itewia, are nukare ami masi amira arumuro itamunora.” Ago senua awa.

Oziga Ewanana Mak Meni Gaenua 10:39

Ago senu nuto numore ego sewato awa, “Nato te wamunonato.” Ago sewato giro Yesu meni numoreto ego senua awa, “Na ou dokaka zo namunona, awa nito dai namunowato. Na ou gutai zo pamunona, awa nito dai pamunowato.

Yohane 16:33

Nikare azu doro oreniro nuawise sero ge ei awa nimorekare sesena. Nikare zebura yayare duba naire nuamunowa. Ata nane zebura nena dire-bere awa puro osero patitinona, are nikare putoure noiwo.” Ago senua awa.

Aposolo 1:15

Be amire waiko be eto kaka tepo wamure Yesura ema bama 120 ami auniro itiwa Petoro meni nusokare nana soe ena eriro ego senua awa,

Aposolo 14:22

Nate kei awero Yesura dubu zewai warise o tuma diai nusokare nana zewai wero itaise sero wini ge eni sewato awa. Wini ge toise ego sewato awa, “Nakai yayara tame noma Anutu imata Tua wero nowia amira nate bayanisekai sai awa.”

Roma 8:17

Mai awiso nuso wero nonakai ami noma Anutura wau topetamunonakai. Awa Kristore dai eroma topetamunonakai awa. Zebura ena numore dai yayare nuamunonakai, awa numore dai simai zasimaire ewanana amira nuamunonakai.

Roma 8:25

Ota nena zo kaka pumamure pumamu tuma diamunonakai, awa nakai awa-didinoise dia inoise itamunonakai.

2 Korinti 1:7

Agoro nakare nikare emo kotumu-katumu kaka wamu, ego ine gosinowenakare awa: Nikare yaya-buyaya dipinowenakare da ago dipinoise uzutai pupinowenakare da ago dai pupinowewa awa.

Filipai 1:7

Na nikare dapikarago ago gawena te inowia, nera kota, na benai sora enata damu ena Oziga Ewanana emo ge bua wawena nikare dapikarago na sorepitinoise soga inowewa. Are na duba naso meni nikare sipunitinowena awa.

Filipai 4:14

Nikare na duba naire nona giro namore tairo na kora wisewa, awa gena kokopai inoya.

2 Tesalonika 3:5

Tua meni kotumai ei awa duba nisokarera potaise: Anutu meni nikare zo apinowia, noko Kristo meni nikare ziawi zewai inowewa.

2 Timotire 1:8

Are ni Tua nasokaira oziga sero kerenamu wero me naire oko wase. Noko na nu emo benai ema nona, amira me naire oko nuase. Ni Anutu meni putou potai amira te namore dai Oziga Ewanana emo inoise yayara tame noiyo.

Hibru 10:36

Are nikare zewai wero Anutura bera ge dipinoise noma nena namorekai seronai amira me pumuwo.

1 Petoro 5:1

Nisokare nana giti kopi nowa nikare, na giti kopi otao nisokare meni ge nimorekare sane. Na Kristo yaya mena-mana tamunu giti moka naso me ami gina ami noma simai zasimaire nuso kei damu nai amire na dai amira mama zo wamunona. Are nama nikare awa-uzero ge sero gatero awana niniu.

Kereninua 1:1

Nena Yesu Kristo meni kereninua amira uge. Nena be apunu-kakana kei awamunoya awa dubu nuso namorekai kerenaise Anutu meni Yesure gipenua. Are Yesu meni kerenamu sero angelo zo iyetinu na bua mai nuso Yohane naso nana muro sero gipero awenua awa.

Kereninua 1:2

Ago wenu nane nena gina. Are Anutura ge ata Yesu Kristora ge ninina awa ge me memeka asinona.

Kereninua 1:4

Na Yohane meni Tuara dubu 7 Asia zebura itewewa nimorekare ge ei awa gainona. Anutu, nu gita itisonua, itewia, itamunoya, ata Ozana 7 nuso nana benaura itewera, ata Yesu Kristo nu Anutura ge sai ema me, o nu gita betaira ena erinua, o nu zebura ema tua amira giti kopi wero nowia, nukare Anutu Mama, Mai, Ozana amira nana ena dumi yagabare duba-ozaire meni semu nisokare nana niro itaise. Nu namorekai dubara dumi pupinowia. Noko orara nuso meni pasina nasokai disenua.

Kereninua 1:6

Ago wero dubu nuso wanisekai sero pumunua. Awa Anutu Mama nuso amira pris dubu wanisekai ago wenua awa. Are zazo bamure putoure nuso nana itai gege itewia. Iyo.

Kereninua 11:7

Are utura ge sero kerenai be nusoto tepo wai amire degara wo gorobare ami kei awero nuto iwo wero puro osero dai betamunorato.

Kereninua 12:11

Otao mamai nasokai nukare Lamara orara meni ata utura ge azu tepo kereniro sewa ami zewai wero nu puro osewa awa. Ota nukare nuai nusokare oko soewa. Nuai doro betamu peu wewa.

Kereninua 12:17

Are ugama nu bamere tini kapai bamu tamunua. Ago wero bamera awiso dubu awa damu sero bamunua awa. Anutura potai ge dipinoise Yesu kere damu nitinowera nukare awa damu sero bamunua awa.

Kereninua 13:10

Zo nu benaira gegenai noya ami benai sora toyamunoya. Zo nu duba kapaira gegenai wero noya ami duba kapara betamunoya. Ge ami Tuara dubu nukare be amira ana zewaire putoure ziro taka asaire nuarise toya.

Kereninua 14:12

Are ge ami susu ego ine gipinoya: “Anutura dubu ge nuso dipinoise Yesu ziro baititinowera nukare ami betata tepo zewai wero nuarise.”

Kereninua 19:10

Ago senu na nuso nana bawa diro nu bowi wamu wena azu sero ego senua awa, “Ago oko wase! Na soumai otao niso gege. Otao mamai niso eni azu tepo Yesu ziro tata-tata inoise nowera amira otao na dai awa. Ni Anutu gege bowi weyo.” Ozana meni porofete awa-uzawi ge towera da ami erama soremawi Yesura zazo kerenitinowera awa.

Kereninua 20:4

Na arumai simaire eni itiwa gina. Ema amira tame itiwa nukare ge kora wai ema awa. Ata Yesura bowi toise Anutura ge azu tepo puro noiwa duba nusokare kapewa amira ititi nusokare awa gina. Nukare gita wo goroba ata wo amira ititi awa bowi kaka wamu. Noko wo amira tagi owere awa nusokare nana meweneta wanera oko puro noisowa. Are ema dubu amira tama aiso bi ditira ena eriwa gina. Nukare eriro Kristore dai ema tua bua inoise noe dowa zepa 1,000 tepo wenua.

Kereninua 3:10

Nikare putoure wero dia wawise sena amira ge naso awa dimuro puro nowewa, are yaya bamubake meni ema zebu sero awa zipero gamu wamunoya be amire nane nikare soero pumamunona. Yaya ami zebu sero ema bamubamu dapikarago amira nana te kei awamunoya.

Kereninua 6:9

Are amire Lama meni pika namba 5 piakaninua. Ago wenu amire ema Anutura ge puro noise oziga nuso kere damu nasara dasara bebetenitinoisowa amira ititi nusokare alta susura itiwa gina awa.

Kereninua 7:14

Na atata wenu ge ina ego ine sena awa, “Ema tua naso, na amira susu awa kaka gamu. Ni nitope gosinosa.” Ago sena nu namore ego senua awa, “Nukare yaya tamaire zo amaire bamubake amira mokara ena muwa awa. Nukare more tama woire nusokare awa Lamara orara meni sewewa sara-kisaramunua awa.