Hibru 8:3 - Suena

³ Pris babezinoma nukare ofata pasina disaira nena ami zame potarise sai awa, are da ago ine pris bamu nasokai meni nena zo zame potaise sai awa.

Hibru 8:3 ပူးပေါင်းရင်းမြစ်များ

Yohane 6:51

Nuaira ma utura ena osena na ewa. Are zo nu ma awa namunoya ami nuai gege nuamunoya. Pisi naso meni ma inoya awa. Are erama meni nuai tamarise potamunona.”

Roma 4:25

Anutu meni Yesu awa pasina nasokai emo dara betaise sero iwora nana wanera potinua awa. Agoro saramaire wanisekai sero Yesu betaira ena awa-uzenu seka wero erinua awa.

Roma 5:6

Nakai ewanana waira putou tepo noisonakai be amire Kristo nu be nuso munu pasina mai nakai emo betinoise nakai soero pumunua awa.

Roma 5:8

Ota Anutu meni awa ego ine inoise dubara dumi nuso bamubake namorekai kereninua. Nakai pasina mai wero noisonakai be amire senu Kristo meni nakai emo betenua awa.

Galata 2:20

Na Kristore dai ni pasinaira betena awa. Are nowena ei awa kotumai nasora kota, Kristo meni duba nasora nowia. Nuai zeme zebura nowena, awa Anutura Mai tuma didinoise nowena awa. Nune na emo dubara dumi pupinoise nuai nuso na emo donua awa.

Efeso 5:2

Ago wero dubara dumire dai noiwo. Kristo nu da ago nakai emo dubara dumi pupinoise tama aiso nuso potinu gera wewa ami Anuture zawi me ewanana zamare potinua.

Titore 2:14

Nu ami nakai pasinara mokara ena soyamu sero ina nasokai betenua awa. Nu nakai sewai dubu nuso gege wero noise bua kokopai wamu yaba inoise nuanisekai sero nakai emo betenua.

Hibru 2:17

Are nu namisini nuso ine waise sai awa. Ebata zo oko itisonua. Awa pris bamu kokopai, awa-diaire, sai dimaire, Anutura nana giti mokara zame potai bua inoise ema bama waya nasokai disamu sero ago ine wenua nowia awa.

Hibru 3:1

Gera otao mamai naso, nikare dai utura gegenai, are nakai kotumai poti Yesura nana niro ge nuso sanekai. Nu ami ge ziro tata-tata inowenakai amira aposolo ata pris bamu wero nowia.

Hibru 5:1

Zebura ema nasokai nana ena pris bamu yataniro pumai amira susu awa ego ewa. Nu ema dubu emo Anutura benaura kei awinoise zame potaise o pasina disamu wora orara potaise Anutu meni pupinowia awa.

Hibru 7:27

Nu pris babezinoma mamatu nukare ine oko aewa. Nukare awa gita pasina nusokare disamu sero zame potiro amire ama ema enira pasina disamu zame potitinoisowa. Ata nune meni awa waiko be giti zame oko potitinowia. Tepo awa. Nu ema enira pasina disamu aisore moka nusore awa be daimata gege zame potinu te wenua awa.

Hibru 8:4

Agoro nu zebura nuami sia, awa zame oko potitinuamia. Nera kota, nu Lewira dubura ena kaka kei awamu. Lo ge pris bua warise towia amira pris te nowera awa.

Hibru 9:14

Ota bua Kristora orara meni inoya ami bua matu awa dainiro bamu inoya awa. Kristo nu Ozana nuai gege nuaira sogawaira tamare moka nusore bemiti tepo zame kokopai Anuture potinua. Are wai nasokai puti gege duba nasokaira bemuro itawi mou puro nowenakai, awa Kristora orara meni te sewai saramuro Anutu putoure awa sou wamunonakai awa.