Hibru 8:13 - Suena

¹³ Ge gayai amira ena Tua nu tairo nuai sekara ge toise gita itisonua amire matu wai asenua awa. Are nena matu waita waya wai ami tepo wamu inoise inoya awa.

Hibru 8:13 ပူးပေါင်းရင်းမြစ်များ

Matiu 24:35

Ama uture zebure nuto sisero tepo wamunorato awa, ata ge naso meni awa oko sisero tepo wamunoya.

Luka 22:20

Ago senu nena niro tepo wewa amire akou ou wainire zo pumuro da ago inoise ego senua awa, “Ou wain ei awa orara naso. Orara naso awa nikare emo zozinona. Orara ami Anuture tairo nuai amira ge seka awa ziai zewai wamunoya.]

1 Korinti 13:8

Dubara dumi awa tepo wai ine tepo. Anutura ge porofete meni sago wero kerenai amira putou awa tepo wamunoya. Ge ewe-pape Ozana meni tamawi towera amira putou awa dai tepo wamunoya. Ota nena bamubamu amira susu ninai amira putou awa dai tepo wamunoya.

2 Korinti 3:6

Nune na pumuro tairo nuai sekara bua wai te waira putou awa potinua. Awa potai ge gayaira bua kota, awa Ozanara bua awa. Mosera ge gayai meni nakai betaira gegenitinowia. Ata Ozana meni awa nakai nuaira gegenitinowia.

2 Korinti 5:17

Are ema zo Kristora nana susupitinowia nu ema seka-sakama inowia. Awa nuso nana ena nena matu tepo wenu nena seka kei awitaya!

Hibru 1:11

Are uture zebure sisamunorato, ata nine meni awa nuai gege nuamunosa. Tama woi aso inowera da ago ine uture zebure aso wamunorato.

Hibru 12:24

Nikare Yesu tairo nuai sekara mama amira nana kei awewa. Nikare orara nuso meni tairo nuai seka ziai zewai waise namorekai wiekeninua orara amira nana kei awewa. Orara ami Abelra orara meni Anutu ina potaise zawa gatenua ago ine kota, Abelra orara dainitinoise Anutu meni pasinara ina potai azu towia awa.

Hibru 7:22

Anutu meni senu zewai wenua, are Yesu meni tairo nuai me amira mama wenua awa. Tairo nuai me ami tairo nuai matu awa dainitinowia.

Hibru 8:6

Yesu meni pris bua pumunua. Bua nuso ami bua matu awa dainitinoya. Nera kota, nu bega pumuro tairo nuai seka amira mama wero nowia. Are tairo nuai seka ami tairo nuai matu awa dainitinoya. Nera kota, tairo nuai sekara nena me potamu senua ami tairo nuai matura nena me awa dainitinoya awa.

Hibru 8:8

Anutu nune ema numorekare ginu te kaka wamu wenu giro ego senu gaewa awa, Tua meni ego toya awa, “Noma be zore Isreli dubu ata Yuda dubu numorekare dai tairo nuai seka zo tamamunona awa.

Hibru 9:15

Ami emo Kristo nu bega pumuro tairo nuai sekara mama wenua awa. Pasina tairo nuai matura noise tamuwa awa tepo waise betenua, are seronai dubu nuso nukare nuai me ewananara wau parise sai, awa te pumarise sero Kristo nu bega pumai ema wenua awa.