Hibru 5:13 - Suena

¹³ Ami ninowera numorekare awa mai uno asamunowa awa. Da ago ine eni meni ami ine ninoise saramaira ge suru awa nogo nogo wero niniro baitamunori?

Hibru 5:13 ပူးပေါင်းရင်းမြစ်များ

Matiu 11:25

Be amire Yesu meni ge ego senua awa, “O Mama, ni uture zebure amira Tua. Nukare nutopekare gawera ema bamu inowera ema ago ami gai azu, ni putou nisora susu bezinowesa. Ota nukare nutopekare gawera mai morua inowia numorekare awa kerenitinowesa. Are na amira ni bowi inona.

Oziga Ewanana Mak Meni Gaenua 10:15

Na ge me nimorekare tona ewa. Zo nu tuma diai mai pei-mamaira ine tepo ami Anutura nana nate bayai ine tepo.”

Roma 2:20

Ago inoise na ema dubara giti guma wai awa ebata me gipamunona, ata mumera nowera awa zumu zasimaira namunona. Ota ema ebata me amira diga nukare awa kora inoise tugata-magata wamunona, ata duba mai unora ine nukare awa dai gipamunona.”

1 Korinti 13:11

Na morua noise amire ge mai moruara toisona. Ota kotumai maira puro noisona awa. Ota ninai awa maira ninina awa. Ami noe ema wero amire maira tani awa dona awa.

1 Korinti 14:20

Gera otao mamai naso, kotumai nisokare mai moruara ine oko waise. Pasina wai amira meni awa mai uno ine wero noiwo. Ata kotumaira meni awa ema me ine wero noiwo.

1 Korinti 3:1

Otao mamai naso, na gita nisokare nana kei awero ema Ozanare ge tugata wero nowena da ago ine nimorekare tugata wamu sero inomite te kaka wamu wena. Nera kota, be amire nikare ema Ozana tepo meni nuago inoiwa giro na Kristora mai uno nimorekare tugata wena awa.

2 Korinti 3:9

Bua nu erama betaira gegenitinowia ami zasimaire kei awenua. Ata Anutu meni pasina nasokai disai saramaire nuanisekai sai amira bua meni zasimai bamubakere kei awinowia awa.

Efeso 4:14

Nakai ema me wero amire noko oko mai pei-kaka ine nuamunonakai. Erama eni awa kotumai nusokare mai pei-kakara ine awa. Are etetenai ema meni etetenawera ge opi nusokare awa bisi bamu ine wero ema amira duba puro kipete-kapete wawi wa ine gegewa-gagewa susawewera. Etetenai ema ami etetenai susu giti tamuro erama etetenitinowera.

2 Timotire 3:16

Tuara ge gayai dapikarago awa Tuara Ozana meni kereninu gaewa kei awenua awa. Ge ami ge me susure nakai gipinowia, ata potai ge potitinowia, ata nakai sero kora wero awinowia, ata nakai etutiro nuaira ebata gipinowia.

1 Petoro 2:2

Nikare Tuara dumi yagaba awa sabi niwa be zozowa wenua ago inoya, are mai uno meni miera ami uza inowia ago ine nikare ami mu ewanana awa uza waise. Ami mu ami ititi nisokare dia inowia. Awa ninoise baziro utura gera ema me wawe.

2 Yohane 1:11

Zo nu ema ago ine awa arenamunoya ami bua nuso waya awa soremamunoya.