Hibru 2:18 - Suena

¹⁸ Etetenai nuso nana kei awasara nu nutope yaya tapinoise noisonua, are ema etetenai nasokai nana kei awawi nakai te sorepitinowia awa.

Hibru 2:18 ပူးပေါင်းရင်းမြစ်များ

Luka 22:28

Na yaya mokara nuawena nikare na kaka duamu namore dai nowewa.

Luka 22:53

Be giti awa na nimorekare dai ibu bamura ena nuawena nikare ana nogoro na kaka pumamu inowewi? Ata zeme ewa nikare ata mumera mama amira be awa.”

Yohane 10:29

Mama naso meni nukare namore potinua awa. Mama naso meni ema dapikarago ata nena dapikarago awa dainitinowia. Are zo meni Mama nasora wanera ena nukare soero pai ine tepo.

1 Korinti 10:13

Etetenai nisokare nana kei awinowia awa etetenai ewe oko aewa. Ema bamubamu tapinowera da ago ine gege tapinowewa. Ata Anutu nu nakai duba didinowia, are nu ninai etetenai meni witiro putou nisokare te awa oko dainamunoya. Etetenai kei awamunoya, te etetenai dainaira ebata nisokare tamamunoya. Awa nikare zewai wero dopawise ago wamunoya awa.

Filipai 3:21

Nu emare nena bamubamure dago puro osero nuso nana tera dubu daira putou awa nuso nana itewia awa. Putou ami tama nasokai simai tepore awa puro kapetenai tama nuso ine simaire wamunonakai awa.

2 Timotire 1:12

Na ami emo yayara tame nowena awa. Ago inoise me oko nitinowena. Na tuma didinowena numore duba eto oko inowena. Tepo awa. Na ego ine gosinowena: Nu putoure meni bua namore potinua, bua awa te dia inuai be bamu mamunoya awa.

Hibru 5:2

Pris ago ine awa nu ema gege nuawi etetenai nuso nana dai kei awinowera, are ema Tuara ebata sirero nowera ata ema eni gita Tuara ebata doro bamu demese niwa nukare awa te saitiro kora inowia awa.

2 Petoro 2:9

Tua meni gita Lati awa-diro soero pumunua, are nakai Tuare ego gosinowenakai: nu ema bama numa tuma didinowera nukare awa etetenai beyata waira ena soero pumaira putou oko kau inowia. Noko, nu Sodomto Gomarara ema bama amira ina te potinua, are nu ema bama waya nukare yaya-buyaya tapinoise nuara Anutu meni erama awina-dawina inoise ina potamunoya be amire ge bua wero duwarise samunoya amira putou oko kau inowia, awa dai gosinowenakai.

Yuda 1:24

Anutu nikare dia wai beyata-bayata tepo nuawa nikare pasina amu ata yawa sarare benau nusora potai amira putou nuso nana itia.

Kereninua 3:10

Nikare putoure wero dia wawise sena amira ge naso awa dimuro puro nowewa, are yaya bamubake meni ema zebu sero awa zipero gamu wamunoya be amire nane nikare soero pumamunona. Yaya ami zebu sero ema bamubamu dapikarago amira nana te kei awamunoya.