Hibru 13:5 - Suena

⁵ Duba nisokare meni wau moni emo duba-duba oko wawe. Nena niso itai awa te puro noise kaka puro nuamu meni sago wai awa doro itia awa puro yawa sara inoise noiwo. Nera kota, Tua nu nutope ego senua awa, “Nane ni oko duamunona, ata giro gago-giago oko wamunona.”

Hibru 13:5 ပူးပေါင်းရင်းမြစ်များ

Matiu 6:19

Wau nisokare awa zebura ena oko woi wawa itae. Zebura wau awa diko meni doinowera, o kayai wero waya inowia, o ema meni goma zausemuro bewana pupinowera. Are wau nisokare zebura ena oko woi wawe.

Matiu 6:25

Are na nimorekare sana niniu. Nikare nuai nisokare emo kotumu-katumu inoise ego oko sawe, “Nena nai nana tamamunonikai? Ou nai nana tamamunonikai?” Noko nikare tama aiso nisokare emo kotumu-katumu inoise ego oko sawe, “Tama woi nana tamamunonikai?” Nikare seu. Nuai nisokare meni meta nena meni me inoi? Tama aiso nisokare meni meta tama woi nisokare meni me inoi?

Matiu 6:34

Are yaya ama kei awamunora amira kotumu-katumu oko wawe. Aumara kotumu-katumu wai awa aumara gegenai daba. Waiko be sero amira yaya tamai nuso meni gegenai nuso itai te wamunoya awa.

Oziga Ewanana Mak Meni Gaenua 7:22

duba-duba wai, tani waya wai, opi sai, gai waya wai, wiza atata wai, tama puro witai, wini ge dero nuai —

Luka 3:14

Ago senu soldia eni meni nu atata wero sewa awa, “Agoro nanekare meni awa nogo wamunonikare?” Ago sewa nu numorekare ego senua awa, “Nikare ema tebe-tabe oko dawe. Ota ge opi-api sero emara omata oko soyawe. Nikare zuma nisokare te pumuwo.”

Luka 8:14

Ota we eni iwe soe duuwa amira susu awa ego ewa: Ema nukare ge ninitinowera, ata nukare zebura nena emo kotumu-katumu inoise wau moni emo yawa sara inoise nena eure-taure ami emo duba-duba inoise nuawera nena ami nukare dimawi me nusokare oko kei awero bamu inowia.

Roma 1:29

Ago inoise tani waya amira susu eure-taure ego awa puro noisowa: Pasina wai, tani waya wai, ema zora nena emo duba-duba wai, ema eni waya wamu sai, kotumai waya ina-pa wai, ema dai betai, ge bawai, ema etetenai, be dumu ina-wa wai,

1 Korinti 5:11

Na ego emira nimorekare pas gaena awa: Zo nu nutope ge ninai otao nisokare asinoise bama bewana wamunoita, ota nena duba-duba wamunoita, ota tua opi puro nuamunoita, ota ge waya ema zore samunoita, ota ou zewai niro dau wamunoita, ota nena bewana wamunoita — ema ago ine amire nuai azu amire sena awa. Noko nena dara nai azu sena.

1 Korinti 6:10

ata nena bewana pumai ema ata nena emo duba-duba wai ema ata ou zewai niro dau wai ema ata ge waya sai ema ata mai dero nena bewana wai ema — ago ine ami Anutura nate bayai ine tepo.

2 Korinti 4:9

Iwo meni na tuninowera, ata Anutu meni na oko dotinowia. Dawera duwitinowena, ata na oko waya inowena.

Efeso 5:3

Tani waya — emata bama bewana wairata, pasina wayata, giro duba-duba wai — pasina ago ine oko wawe. Noko pasina amira ge uge awa Tuara dubu nisokare nana soe ena oko kei awaise.

Efeso 5:5

Nikare ego gosinowewa: Ema zo nu bama bewana inowia, o ema waya-kawaya, o ema zo nu Anutu poti ama niro zebura nena poti gita niro nena awa duba-duba inowia, ago ine meni Kristo ata Anutura nate oko bayamunoya.

Kolosai 3:5

Are zebura nuai matu amira duba-duba wai eure-taure nisokare nana awa musuniu tepo-tapo ware. Pasina ego ine emire tona awa: Bama bewana wai, tani waya wai, tamara duba-duba waya wai, nena waya emo duba witai, wau emo duba-duba wai. Wau emo duba-duba wai awa pasina tua opi bowi wai ago ine awa.

1 Timotire 3:3

nu ou wain pena-pana oko naise; dumu ge sai tepo betata-batata begare nuaise; moni waure emo duba-duba oko waise;

2 Petoro 2:14

Nukare giti moka meni bama tamamu kau inowera. Nukare pasina waira berea kaka wamu inowera. Nukare ema beyata-bayata awa uzumawera nusokare nana taitinowera. Nukare wau moni emo duba-duba inoe dowa duba nusokare amira bamunua. Ema ago ine ami degara gegenai awa.

2 Petoro 2:3

Opi sai ema ami wau moni emo duba-duba inoise kotumai nusokarera opi ge meni nikare etetenitinoise nena nisokare soero pumai bua wamunora. Ata gita Anutu meni nukare ina tamarise be potinu itewia. Noko nukare sisarise senua ami gitawa oko inoya. Tepo awa. Nu sisaira be nusokare dia inoise itewia.

Yuda 1:11

Yei, nukare noma nago bayamunori? Nukare Kainra ebata patitinowera, ata noko nukare wau moni emo zewai-zawai inoise Belamra etetenai awa tapinowera. Ota Kora meni tama nuso puro wititinoe nu nutope sisenua, ago ine nukare tama puro witai nusokarera sisinowera.