Hibru 13:1 - Suena

¹ Otao-gamao wero noise dumi ina-pa inowewa awa nisokare nana oko osaise.

Hibru 13:1 ပူးပေါင်းရင်းမြစ်များ

Yohane 15:17

Nikare nitopekare ara ina-tama inoise noiwo. Ge awa potai ge naso awa.

Aposolo 2:1

Pura bamu zazo nuso Pentekos amira be kei awenu giro Yesura ema bama dapikarago so daimata amira auniro itiwa awa.

Aposolo 4:32

Yesu tuma didinoise noisowa ami duba da wero kotumai da wero noisowa. Ago inoise wau moni nusokare awa niso naso kaka samu, dubura gege asewa itisonua awa.

Galata 5:13

Otao mamai, Anutu meni nikare mui amu nuawise uzumunua awa. Agoro mui amu nuai meni tamara nena amira ge dimawise kota, dubara dumi pupinoise sou ina-wa wawise nikare uzumunua awa.

Galata 5:22

Ozana meni me ego ine tamawi kei awinowia awa: dubara dumi pai, duba yawa sarare, bega puro nuai, awa-diaire, dumi yagaba, kora-makora wai, tani me gege inoise nuai,

Galata 5:6

Kristo Yesure dai noise tama aiso kapaire nuaita tama aiso kapai tepo nuai awa nena me tepo awa. Ata tuma diaire dumi yagaba pumai awa nena me awa.

Efeso 4:3

Ago wero Ozana nu bega tamuro nikare poti dara niro begara asi meni zasero dinu dubu daimata wewa, asi awa dawa kapai azu, zewai wero dia ina-wa inoise noiwo.

Efeso 5:2

Ago wero dubara dumire dai noiwo. Kristo nu da ago nakai emo dubara dumi pupinoise tama aiso nuso potinu gera wewa ami Anuture zawi me ewanana zamare potinua.

2 Tesalonika 1:3

Otao mamai, duba nasokare meni wawi nikare emo be giti Anuture kokopai asanisekare inowia. Noko nuture kokopai sawenakare te inowia. Nera kota, tuma diai nisokare meni awa zewai-zawai kei awinowia, ota dumi ina-pa wai meni awa nisokare nana zapinowia awa.

Hibru 10:24

Nakai natopekai dia ina-wa inoise dubara dumire korawai buare bamubake waise awa-ina-uza waira ebata tamanekai.

1 Petoro 1:22

Nikare ge me dimuro awinoe dowa dubare ititire nisokare saramunua awa. Awa otao-gamao me wawise ago ine kei awenua awa. Are duba meni me memeka sipuniro baitiro noiwo.

1 Petoro 2:17

Nikare ema bamubamu dago samo doinoise noiwo. Ago inoise kotumai poti Yesura dubu otao mamai nana niu. Ago inoise Anutu azu wewo. Ota ema tua witai nu awa sou inoise samo doinoise noiwo.

1 Petoro 3:8

Are poti dara niro sane. Nikare dapikarago duba da wero zo amai ina-wa inoise noiwo. Ago inoise gera otao mamai nisokarere dumi pupinoise tama puro witai tepo noiwo.

1 Petoro 4:8

Duba nisokare meni dumi ina-puma wero baitiwo. Dubara dumire nuai awa tani ewa-gaewa amira giti kopi wero nisokare nana bamubake waise. Nera kota, dubara dumi pumai ami pasina dainiro gogo inowia awa.

2 Petoro 1:7

Ago wero otao-gamao wero nuai awa Tuara ebatara nuai nisokarera susumuro puro noiwo. Ago wero dubara dumi awa otao-gamao wero nuai nisokarera susumuro puro noiwo.

1 Yohane 3:23

Potai ge nuso awa ego itia ewa: Mai nuso Yesu Kristo tuma didinoise duba meni dumi ina-pa wanekai. Ago wanisekai senua awa.

1 Yohane 4:20

Zo nu “Anuture dubara dumi pupinowena,” asinoise otao nuso iwo inowia ami opi sai ema wero nowia. Zo nu otao nuso giti moka meni gosinowia awa iwo wamunoya ami Anutu giti moka meni kaka gamu inowia amire dubara dumi pai ine tepo awa.

Kereninua 2:4

Ata na nena ego emira nimorekare gawena waya inowia awa: Nikare gita na yaba bamu inoisowa awa doro nowewa.