Hibru 10:25 - Suena

²⁵ Ago inoise gera aunai awa eni meni dotinowera, ago ine oko wanekai. Be bamu zora awinoya, ago ine gosinoise putoure wero soga ina-wa wanekai.

Hibru 10:25 ပူးပေါင်းရင်းမြစ်များ

Matiu 10:15

Na me memeka sane. Anutu meni erama awina-dawina inoise ina potamunoya be amire nata eto zazo nusoto Sodomto Gomorare amira ema ina mou tamamunora. Ota ge nisokare azu samunora nata amira ema meni awa ina mou-mau bamu tamamunora.

Matiu 18:20

Nera kota, ema etota etorobara nukare na emo aunara na nusokare nana soe nuamunona.” Ago senua awa.

Yohane 12:48

Zo nu ge naso niniro doro na azu samunoya amira zas itia. Ge towena ami ama be bamura ena zas nuso wamunoya.

Aposolo 16:16

Be zore nakare begomo saira kakamo amira susaunakare sou bama diri zo meni nakare tamunua. Bama diri nu koi zawa sai bama noise nena ama emara nana kei awamu inoinua awa kerenitinoise noisonua. Ago inoise wau moni zumasai masai mamana nuso meni pupinoisowa awa.

Aposolo 2:1

Pura bamu zazo nuso Pentekos amira be kei awenu giro Yesura ema bama dapikarago so daimata amira auniro itiwa awa.

Aposolo 2:42

Aposolo meni Yesura ge tugata wasara nukare ninamu yaba inoisowa awa. Ago inoise duba meni tairo baitiro bonarata begomora eyaya aunitinoisowa awa.

Aposolo 20:7

Nakare Sarere pire bona namu auninakare Paulo meni, na pina atai nikare doro bayamunona, asero nukare ge tugata inoise noinu pi soe sieninua.

Roma 12:8

Zo nu uzutai ge saira putou itia ami uzutai ge saise. Zo nu dumi pumai bua waira putou itia ami otao nuso ewanana waise awa gege kotupitinoise bua awa waise; zo nu giti kopi waira putou itia ami bua awa zewai waise; ata zo nu bayao bua waira putou itia ami bua awa duba peure waise.

1 Korinti 11:20

Are nikare Tuara bona namu sero auniro amire Tuara bona oko ninowewa. Nikare ana-bona nikakare nisokare wero ninowewa.

1 Korinti 14:23

Are nikare ge ninai dubu ami poti dara niro itise dapikarago ami Ozanara ge ewe-pape toise itawa diga enita ema ge kaka ninamu eni meni ibu toiro ge nisokare awa niniro nikare dapikarago dau wai asamunori, tanita.

1 Korinti 14:3

Ata Anutura ge porofete meni sago wero kerenitinowia ami emare ge towia. Ago inoise nukare soga inowia, ota awa-uzinowia, ota uzutitinowia.

1 Korinti 3:13

Awa noma be bamura ena ibu wai nusora susu awa kei damu namunoya awa. Amira ana niao bamu meni ibu waira bua nuso amira susu kerenamunoya.

1 Korinti 5:4

Nikare Tua Yesura zazora aunitinuawa putou nuso ata duba naso meni nisokare nana itai amire

Filipai 4:5

Ema dapikarago ami awa-diai nisokare garise. Tuara kei awai be zora awinoya.

1 Tesalonika 4:18

Nikare ge awa otao mamaire sero niniro awero duba nisokare puro osewo.

1 Tesalonika 5:11

Are nikare nitopekare kora wai ge ina-sa wero duba ina-zia wawewa zewai inowera, da ago ine inoise noiwo.

Hibru 10:24

Nakai natopekai dia ina-wa inoise dubara dumire korawai buare bamubake waise awa-ina-uza waira ebata tamanekai.

Hibru 10:37

Ge gayai zo ego itia, Amira be apunu-kaka zo itia awa tepo wai amire maise sai ami kei awamunoya. Nu asike zara dero oko itamunoya.

Hibru 13:22

Otao mamai, na ge iboi dainiro oko gaetena, are nikare korawai ge gaetena awa duba peure niniwo.

Hibru 3:13

Agoro nikare waiko be giti aumako aumako be itai gege itamunoya te soga ina-wa wewo. Wayara etetenai meni nisokare nana ena ema zo awita sai Tua doro deto-deto wanoya awa.

Yakobo 5:8

Da ago ine nikare, Tuara be zora awinoya, are berea tepo dia noise duba nisokare ziwo dopero zewai wae.

1 Petoro 4:7

Nena bamubamu amira pesunai be zora awinoya. Are nikare isara peu wamu wero giro dau wai tepo kotumaire noiwo.

2 Petoro 3:11

Nena bamubamu dapikarago sisero tepo wamunoya, are nikare neine saramai noise utura ge dia wero baitiro puro noiwo.

2 Petoro 3:14

Otao mamai naso, nikare nena ago ine awa dia inoise nuso nana benaura bemiti tepo saramai numore dai otao wero nuawa gai te waise sero weso wero noiwo.

2 Petoro 3:9

Ema eni meni Tuare ego towera, “Tua nu ge senua amira me tamamu sero itazaita inoise amire be susupitinowia.” Ema eni meni gawera ago ine wawi giro numore ago towera, ata tepo awa. Nu ema eni meni sisai azu, ema dago te duba kapetenarise sero nikare awa-didinowia.

Yuda 1:19

Ema ago ine ami zazaumai tapinowera awa. Nukare awa zebura gege. Ozana nusokare nana oko itia.