Hibru 10:24 - Suena

²⁴ Nakai natopekai dia ina-wa inoise dubara dumire korawai buare bamubake waise awa-ina-uza waira ebata tamanekai.

Hibru 10:24 ပူးပေါင်းရင်းမြစ်များ

Aposolo 11:29

Are Kristen dubu nukare ge awa niniro moni sia wero poti dara niro Yudaya zebura otao mamai emo potara bayaise sewa zewai wenua awa.

Roma 11:4

Ago senu Anutu meni ge ina nogo kapeteninu? Ego ine senua awa, Tepo awa. Na ema 7,000 dubu naso warise soena nukare tua opi zazo Beal nuso nana kaka koinamu wewa.

Roma 12:15

Ema yawa sara inora numorekare dai yawa sara wewo. Ota ema duba nitinora numorekare dai duba niwo.

1 Korinti 10:33

Na da ago ine ema neire-neire meni na gara te waise bua inowena. Awa nena naso ewanana waise kota, ema witai meni Tuara ge niniro ewanana warise amira bua inowena awa.

1 Korinti 9:22

Na ema tuma diai beyatare amira nana noise beyata meni nuago inowena. Awa beyata meni zewai warise ago inowena awa. Na ema susu giti amira nana noise tani nusokare susu giti awa puro nowena. Awa nusokare nana eni meni ewanana warise ago inowena awa.

2 Korinti 8:8

Na potai ge nimorekare oko potitinona. Ata Tuara dubu eni meni bua awa wamu yaba inora, are nisokare nana dubara dumi bamubake iti sia amira susu kei awaise tona awa.

2 Korinti 9:2

Nikare bua awa wamu peu inowa, awa gosinona, are na zazo nisokare de ike nitinoise Masedonia emare ego towena awa, “Tuara dubu Akaya provinsra nowera ami bua awa zepa matura ena zaawero sia wewa itewia.” Oziga nisokare ami ema eni dubu bamubake awa-uzasai buara peu inora ewa.

Galata 5:13

Otao mamai, Anutu meni nikare mui amu nuawise uzumunua awa. Agoro mui amu nuai meni tamara nena amira ge dimawise kota, dubara dumi pupinoise sou ina-wa wawise nikare uzumunua awa.

Galata 5:22

Ozana meni me ego ine tamawi kei awinowia awa: dubara dumi pai, duba yawa sarare, bega puro nuai, awa-diaire, dumi yagaba, kora-makora wai, tani me gege inoise nuai,

Galata 5:6

Kristo Yesure dai noise tama aiso kapaire nuaita tama aiso kapai tepo nuai awa nena me tepo awa. Ata tuma diaire dumi yagaba pumai awa nena me awa.

Galata 6:1

Otao mamai naso, ema zo meni betata wero pasina tamai giro nikare Ozanare meni saitiro nu kora wero pumuwo. Ago inoise etete naira ena betata wai azu, ni nitope uma we.

Kolosai 3:16

Kristora ge meni nisokare nana soe ena zamaise. Nikare kotumai bamure noise ge ina-gipa wero ina-sorema wewo. Ago wero Anuture kokopai toise yere eure taure — Samta yereta koka Ozana meni nimorekare potitinowia — yere awa bere kotumaire meni gapinoise noiwo.

1 Tesalonika 1:3

Tuma diai nisokare meni wawi bua me inowewa. Ota dubara dumi pai amira bua inowewa. Ota Tua nasokai Yesu Kristo be giti tuma didinoise zewai inowewa. Are duba nasokare meni Anutu Mama nasokaira benaura tani awa eyaya kotumuro numore towenakare awa.

1 Tesalonika 5:11

Are nikare nitopekare kora wai ge ina-sa wero duba ina-zia wawewa zewai inowera, da ago ine inoise noiwo.

2 Tesalonika 3:9

Nikare ego oko sawe, “Paulo otao mamaire ego noise nukare korawanisekai saira putou awa nusokare nana tepo, are nutopekare tamara bua ago wewa.” Ago oko sawe. Tepo awa. Nakare korawawise saira putou nasokare nana itia, ata saineba, nakare nikare susu gipanakare awiso nasokare ata dubu nasokare wero nuawise ago ine awa wenakare awa.

1 Timotire 6:18

Nukare sasa dagia wai tepo dumi yagaba bua inoise gera me dainiro tamare.

Titore 2:4

Ago inoise bama tama sekare awa sero gipero awara ibanare mai awiso nusokarere dumi yagaba pupinoise nuarise.

Titore 3:8

Ge awa zasiwi zewai-zawai awa. Are ema bama Anutu tuma didinoise nowera ami kotumai nusokare bua kokopaira potiro zewai wero nuarise nine zewai wero ge me awa kerenitinoise nuasise tona. Ge me ami ge ewanana awa. Ge ami erama sorepitinowia.

Hibru 13:1

Otao-gamao wero noise dumi ina-pa inowewa awa nisokare nana oko osaise.

Hibru 13:3

Gera otao mamai nisokare benai sora itera awa numorekare kotupitinoise gawa nikare dai benai sora itewa ago waise. Nikare dai tama aiso puro nowewa, are gera otao mamai nisokare iwo meni dero gera-gaira inowera numorekare kotumuwo.

Hibru 3:13

Agoro nikare waiko be giti aumako aumako be itai gege itamunoya te soga ina-wa wewo. Wayara etetenai meni nisokare nana ena ema zo awita sai Tua doro deto-deto wanoya awa.

1 Yohane 3:18

Mai awiso naso, nakai dumi pai awa be meni daba kota, wana meni o duba meni dumi me panekai.