Galata 2:3 - Suena

^3-5 Agoro bua nasokarera mokara ena ema eni meni esega wero ge ninai meni nuago inoise nakai Yesu Kristore tairo Mosera lo ge tepo nowenakai amira susu tamamu sero dubu nasokare nana toiro uma wewa. Nunekare ami nakai Yudara lo ge amira muire noko nuanisekai towera. Are ema ami nakare puro osamu sewa nakare Oziga Ewanana meni nisokare nana itai gege itaise zewai wero daininakare awa. Ago wenakare namore dai noisonua Tito nu Grik ema, ata ema giti kopi meni ge nasokare niniwa te wenu Tito tama aiso nuso kapaise kaka samu wewa.

Galata 2:3 ပူးပေါင်းရင်းမြစ်များ

Aposolo 15:24

Nasokare nana ena ema eni baro ge nimorekare tugata inoise kotumai nisokare sisewa, awa ninisenakare. Ata nakare ago warise kaka samu.

Aposolo 16:3

Are Paulo meni Timoti numore dai nuaise senua. Ota zebu amira Yuda ema noisowa ami maira mama nu Grik ema awa giro tepo wewa. Are Paulo nu Yuda ema meni Timoti gara ewanana waise sero puro tama aiso nuso kapenua awa.

2 Korinti 2:13

Ata otao naso Tito nu nisokare nana ena eya kaka ewesemamu wisia, are na nu kau wero duba naso mou weti giro Troas ema doro nu tamamu sero Masedonia zebura musena ewa.

Galata 2:1

Ago noina zepa 14 tepo wenu nato Banabare Yerusalem noko witamu sero Tito pumuro eroma witinakare awa.

2 Timotire 4:10

Dimas nu zebura nenara yaba inoise na doro Tesalonika nate bamisia. Kresens nu Galata bamisia, ota Tito nu Dalimesia zebura bamisia.

Titore 1:4

O Tito, na ge ei awa nimore gainona. Tuma diai nasokai daimata itia, awa nane nimore tugata wena, are ni mai naso me wero nowesa. Anutu Mama ata Korawai Ema nasokai Kristo Yesu amira nana ena sogawaire duba-ozaire semu niso nana niro itaise.