Filimonre 1:7 - Suena

⁷ Otao naso, ni Yesura ema dubu emo duba kokopai waira bua inowesa, are na dubara dumi pumai nisora duba naso peu wawi yawa sara eto oko inowena.

Filimonre 1:7 ပူးပေါင်းရင်းမြစ်များ

1 Korinti 16:18

duba naso ata duba nisokare kora wetera ewanana wataya. Nikare ema ago ine amire giwo ewanana ware.

2 Korinti 7:13

Nikare ge naso niniro ago wisewa, are duba naso ewanana wisia. Ata duba naso ewanana wisia awa gege kota, nikare Tito duba kokopai waira nena wetewa nu yawa sara inoise ewesemuro sesi na niniro yawa sara bamubake wisena.

2 Korinti 7:4

Na nikare emo duba peure nowena. Na nikare emo yawa sara ewe zo inowena awa. Moka nasora uzutai bamubake itia. Are na yayare duba naire amira tame noise nikare kotumawena naso nana yawa sara bamubake kei awinowia.

1 Tesalonika 1:3

Tuma diai nisokare meni wawi bua me inowewa. Ota dubara dumi pai amira bua inowewa. Ota Tua nasokai Yesu Kristo be giti tuma didinoise zewai inowewa. Are duba nasokare meni Anutu Mama nasokaira benaura tani awa eyaya kotumuro numore towenakare awa.

1 Tesalonika 2:13

Nakare Anutura ge senakare niniwa emara ge ine oko wenua. Ge awa Anutura ge me asero puro poti dube niwa. Ge awa Anutura ge me awa. Ge awa ge ninai dubu nisokare nana bua inowia. Are nakare ami emo be giti Anuture kokopai asero nu bowi inowenakare awa.

1 Tesalonika 2:19

Nikare gamu ara tapinowenakare awa ego emira. Tua nasokai Yesu kei awamunoya be amire nena nemi bua nasokarera me, o yawa sara nasokare, o simai nasokare wamunoi? Ninekare ami wamunowa.

1 Tesalonika 3:9

Nakare nikare emo wero Anutu nasokaira nana benaura yawa sara bamu inowenakare, are nakare Anuture kokopai nogo nogo sanakare te wamunoi?

2 Timotire 1:16

Tuara awa-diai Onesiforora dubu amira nana itaise. Mama nusokare meni benai ema namore me kaka namu duba koko waira bua wai gege inoisia.

Filimonre 1:20

Otao naso, ni Tua emo inoise tani kokopai awa namore weyo. Ni Kristo emo inoise duba peu waira nena awa namore wasise yaba inona.

2 Yohane 1:4

Mama meni potai ge nuso namorekai potinua awa dubu nisokarera nana eni meni dipinoise ge me susure puro nowera ago tapisena. Susu nusokare ago ine tamuro duba naso meni yawa sara bamubake wisia.