Efeso 4:1 - Suena

¹ Are na Tua emo benai ema wero nowena ami nikare awa-uzinoise sana niniu. Anutu meni nikare dorowetiro ebata me nikare gipenua, ebata amira te noiwo.

Efeso 4:1 ပူးပေါင်းရင်းမြစ်များ

Aposolo 9:31

Nukare Saulo iyetiwa bamunu amire Yesura dubu Yudaya zebura ata Galilaya zebura ata Samaria zebura noisowa nusokare nana gera bega kei awenua awa. Begare noise gera putou poti dara niro zewai wewa. Ago wero Tuara zazo de ike nitinoise noisowa. Ago inoiwa Ozana meni nukare soremunu ema bama witai Yesura dubure tairo noisowa awa.

Roma 11:29

Nukare mai awiso nuso wero nowera, nera kota, Anutu nu gawa ge nusore uzumai ge nusore oko duai betata wamunoya.

Roma 12:1

Gera otao mamai naso, susu ago ine itia, are na Anutu awa-diai nusora wini ge zo sana niniu. Nikare tamare dubare nisokare zame betai ine kota, seka ine Anuture potawa saramuro gegenai nuso wai Anutu meni gai kokopai waise. Awa Anutu sou wai bua nisokare me awa.

1 Korinti 4:16

Are nikare te esa naso ama ganinoise noiwo.

2 Korinti 10:1

Na Paulo. Kristo nu duba-ozaire awa-diaire noisonua awa na natope ebata da amira patitinoise sana niniu. Eni meni namore ego towera awa, “Ego muro noise duba-ozaire ge towia. Ata ogo baro noise pas gaero namorekai goroba ge towia awa.”

2 Korinti 5:20

Are nakare Kristora oziga sai ema wero nowenakare. Are ge sawenakare Anutu meni erama zawa towia ago inoya awa. Nakare Kristo emo erama begomo ego ine towenakare, “Nikare Anuture dai otao-gamao wewo.”

2 Korinti 6:1

Na Anutura bua mai wero nowena ami nikare awita sero ge ego tugata inona: Anutura awa-diai nimorekare potai awa me amu oko waise.

Galata 4:12

O otao mamai naso, na nikare emo di toise amire sane. Na nikare ine wena, are nikare da ago na ine wewo. Nikare waya zo namore kaka wamu awa.

Efeso 2:10

Nune meni awa nakai tamunua. Nu nakai bua ewanana wanisekai sero Yesu Kristora buara nuai seka namorekai tamunua awa. Bua ewanana awa nakai werota wero awinoise nuanisekai Anutu meni gita sia wenua awa.

Efeso 3:1

Ami emo Paulo, nama nikare ema Yudako emo wero Kristo Yesura buara benai ema wero nowena ami nikare emo Anutu isa towena awa.

Efeso 4:17

Na Tuara bera sero baitane. Diga kotumai nusokare nena putira itewia amira ninekare ago ine oko nuawe.

Efeso 4:4

Nakai dubu nuso daimata gege awa; nakai Ozana daimata gege puro nowenakai; nakai utura wau daimata gege pumanisekai sero dorowetinua;

Efeso 5:2

Ago wero dubara dumire dai noiwo. Kristo nu da ago nakai emo dubara dumi pupinoise tama aiso nuso potinu gera wewa ami Anuture zawi me ewanana zamare potinua.

Filipai 1:27

Nikare nuai nisokare kora wero Kristora Oziga Ewanana amira te noiwo. Nikare otao inoise duba da wero tairo gamuro awinoise Oziga Ewananara nuai ami emo zuzuna inoise noiwo muro gane. Ota na asike noise bowi nisokare ninane.

Kolosai 1:10

Tua meni nimorekare ago wai amire Tuara ebata nuanisekai sai amira te nuamunowa. Ago nuawa Tua meni gai ewanana wamunoya awa. Ota gera bua koko neire-neire itia, awa inoise amira me tamamunowa. Ago inoise Anutura susu niniro susawise nuamunowa awa.

Kolosai 2:6

Nikare Kristo Yesu meni Tua nisokare waise pumuwa, are nuso nana tairo noiwo.

Kolosai 4:12

Nisokare nana natara ema zo Epafara, Kristora bua mai, ami nikare arenitinoya. Nu nikare emo isa toise nikare zewai wero Anutura bera ge te dipinoise ara tamai nuso giro baitiro wawise be giti isa meni nikare sorepitinowia awa.

1 Tesalonika 2:12

Anutu meni nata nusore simai nusore amira mama wawise sero nikare zawa towia, are nuai nusora te noiwo.

2 Tesalonika 1:11

Ami emo nikare emo be giti isa toise ego towenakare. Anutu nasokai nu nakai zawa sero pumunua ami zawa sai nusora te nuawise moka nisokare kora-makora waise. Ago wero putou nuso meni nikare sorepitinuai bua ewa-gaewa wamu towewa amira me tamawise, o tuma diaira bua me tamuro tepo wawise isa towenakare.

2 Timotire 1:9

Nune nakai kora wero dubu nuso saramai wanisekai nakai uzumunua. Awa ewanana nasokaira kota, nu nutope ginu itinua, are dumi yagaba nusora namorekai ago wenua awa. Dumi yagaba awa gita me gita zebu kaka tamamure Kristo Yesura buara namorekai pumunua.

Titore 2:10

Nukare giti kopira nena eni awa oko bewana ware. Nukare giti kopira nena giro kora-makora wara giti kopi meni nukare gara te wae. Anutu Korawai Ema nasokai amira ge bamubake waise sero soumai meni bua dapikarago ago ine inoise nuarise.

Hibru 13:21

Anutu nune ge nuso dimaira bua wawise sero buara nena kokopai eure-taure nimorekare potaise. Ago wero tani eni nu nutope gawi te inowia awa Yesu Kristo emo nasokai nana tamaise. Nuso nana bowi itai gege itaise. Iyo.

Hibru 3:1

Gera otao mamai naso, nikare dai utura gegenai, are nakai kotumai poti Yesura nana niro ge nuso sanekai. Nu ami ge ziro tata-tata inowenakai amira aposolo ata pris bamu wero nowia.

1 Petoro 2:11

Otao mamai naso, na sana niniu. Nikare zebura desimuro esewa tepo nowewa ami nuai matura duba-duba wai awa azu sewo. Nuai matura duba-duba wai ami dubare ititi nisokarere iwo inowia awa.

1 Petoro 3:9

Tani waya nimorekare wara ina oko wawe. Nikare sero isimara ina oko isimawe. Tepo awa. Nikare ina samu wero giro gawa ge potiu. Nera kota, nikare Anutura gaware nuawise nu nikare zawa senua awa.

1 Petoro 5:10

Anutu sogawai sero amira mama nu simai zasimaire nuso itai gege itai awa Kristo emo wero topetawise zawa senua awa. Are nikare yaya mena-mana be apunu-kaka gege tapinuawa amire nune nikare kora wamunoya awa. Ago wero ziai zewai wamunowa awa.

2 Petoro 1:3

Nu putou nuso bamu meni nuai mera sogawai nena bamubamu dapikarago namorekai potinua. Nu nakai simai zasimaire nuso ata etutiro nuai nuso topetanisekai nakai zawa sero pumunua. Are nakai susu nuso niniro baitiro amire nuai mera sogawai nena bamubamu awa pumamunonakai.

2 Yohane 1:5

Are na ge zo sana niniu. Potai ge seka zo kota, matu susura ena niniro tupewenakai da awa sane. Dubara dumi ina-pa inoise nuanekai.