Efeso 1:3 - Suena

³ Anutu nu Tua nasokai Yesu Kristora Anutu ata Mama, nu awa zazo nuso de ike nanekai. Nu nakai Kristora nana susumuro ititira sogawai susu giti utura ena namorekai potinua awa.

Efeso 1:3 ပူးပေါင်းရင်းမြစ်များ

Luka 2:28

Are Simion nu wana nuso meni mai awa puro Anutu bowi ego wenua awa,

Yohane 14:20

Ozana meni ose nisokare nana nai amire Mama meni namore dai nowia, ota na nimorekare dai nowena, ota nikare namore dai nowewa, amira susu awa giro baitamunowa.

Yohane 17:21

Nukare duba da wero nuarise nimore begomo tona. O Mama, ni namore itewesa na da ago nimore itewena, da ago ine nukare namorege dai itarise. Ago wara ema na tuma kaka diamu inowera ami nine na iyetisa osena awa giro me asare.

Yohane 20:17

Ago senu Yesu meni ego senua awa, “Na oko ziase. Na Mamera nana kaka witamu awa. Ni baro bua mai nasore ego se: Mama naso awa Mama nisokare. Anutu naso awa Anutu nisokare. Are amira nana witamunona. Ago se gare.”

Roma 12:5

Da ago ine nakai bua ewe-pape inowenakai, ata saineba Kristora nana dainiro meni poti dara nawenakai tama daimata inowia awa. Are nakai tama da amira susumuro te-wana nuso ine wero nowenakai awa.

Roma 15:6

Ago inoise beta be wero Tua nasokai Yesu Kristora Mama Anutu bowi wewo.

1 Korinti 1:30

Ata Anutu meni nikare Kristo Yesura nana susumunua. Kristo nu awa Anutu meni potinu nu korawaira ebata nasokai wero nowia. Awa ego emira: Nu nakai korawenu ewanana wenakai; nu nakai sewenu saramunakai; nu zuma nasokai potiro pasinara mui besenua awa.

1 Korinti 12:12

Ema tama nasokai meni awa daimata, ota tamara soremai meni awa dainiro. Are nukare dainiro meni dara potawera tama daimata inowia. Are Kristora dubu amira nana da ago ine te itia awa.

2 Korinti 1:3

Tua nasokai Yesu Kristora Mama Anutu nu awa bowi wanekai. Nu zo amaira mama ata uzutiro korawaira mama nowia.

2 Korinti 11:31

Tua Yesura Anutu Mama nu bowi wai gege inowenakai nuso nana giti mokara ge me tona awa ninitinoya.

2 Korinti 5:17

Are ema zo Kristora nana susupitinowia nu ema seka-sakama inowia. Awa nuso nana ena nena matu tepo wenu nena seka kei awitaya!

2 Korinti 5:21

Kristo nu pasina tepo. Ata Anutu meni nakai emo pasina nasokaira ina mou-mau awa Kristora nana potinu dimunua awa. Awa nakai Kristora nana susumuro Anutura saramai dubu wanisekai ago ine wenua awa.

Galata 3:9

Are Abraham meni tuma dinu gawa nuso nana zamunua, da awa tuma diamunora ami gawa nusora toyamunora.

Efeso 1:10

Nena wamu toya awa ego ewa: Be kotumunua awa zora awai amire nu nena bamubamu uturata zebura awa poti dara nai amire Kristo meni mama wamunoya awa.

Efeso 1:17

Ago inoise nikare emo isa ego towena awa: Tua nasokai Yesu Kristora Anutu, nu simai zasimaire amira mama, ami kotumai nisokare ziai zazai ge ninawise o susu nuso kereninua awa gawa kei awaise isa towena awa.

Efeso 1:20

Nu putou nuso bamubake nasokai nana itewia da ami gita Kristo betaira ena awa-uzero puro poti utura ninu wana me nusora itewia awa.

Efeso 2:6

Nu nakai Kristore dai awa-uzero numore dai utura arumai amira arumanisekai sero potinua awa. Awa Kristo Yesu emo inoise ago wenua awa.

Efeso 3:10

Nogoro duba nusora gege puro noisonu? Amira susu ego ine ewa. Anutura kotumai bamubamu ou suru ine awa zeme emire dubu nuso nasokai nana kei awai utura angelo dia ata angelo putoure ami garise sero gita duba nusora gege puro noisonua.

Efeso 6:12

Nakai iwo tama aisore numorekare oko bogi-zuzuna inowenakai. Tepo awa. Nakai iwo tama aiso tepo, iwo bezai, amire bogi-zuzuna inowenakai. Iwo awa angelo giti kopi waya, ata Satanra soumai putoure, ata zebura ema mumera nowera amira dia waya, ata bi dubu witai-bake ike utura itewera awa. Numorekare bogi-zuzuna inowenakai.

Filipai 2:11

Agoro erama dapikarago meni “Yesu Kristo nu imata Tua noya,” ago sarise. Ago sara Anutu Mamera zazo bowire ike damu itaise.

Hibru 8:5

Nukare ibu me utura itia amira etete ibu gege amira sou bua inowera. Ago tona, nera kota, Mose nu Tuara seli ibu wamu sero wenu Tua meni ego tugata wenua awa, “Sinai dirumura ena nena bamubamu amira ititi gipena gisa amira te weyo.”

Hibru 9:23

Nena me utura itia amira etete nena awa wora orara meni sewai sara-kisaramaise sai itisonua awa, ata utura nena me awa wora orara meni sewai ine tepo. Zame bamubake zo wora orara awa dainitinoya ami gege sewai te wamunoya.

1 Petoro 1:3

Nakai Anutu Tua nasokai Yesu Kristora Mama nu awa bowi wanekai. Yesu Kristo betaira ena erinua ami emo Anutu meni awa-diai nuso bamubake amira nuai seka namorekai tamunu kei awenakai awa. Are nakai nuai sekara noise nu nakai soero pumamunoya ago deninoise nowenakai awa.