Zo nu bera ge naso niniro puro dipinoise nowia amira ara tamai awa naso nana itia. Are zo nu na ara tapinowia, da ago ine Mama naso meni nu ara tamamunoya. Ota nane da ago nu ara tapinoise susu naso numore kerenamunona.”
Ago senu Yesu meni ina ego senua awa, “Zo nu na ara tamamunoya ami ge naso niniro dimamunoya. Ago wai Mama naso meni nu ara tamamunoya. Ago inoise nato Mamere nuso nana kei awero nuamunonato awa.
Zo nu Anutura ge niniro dimamunoya ami Anutu ara tapinowia. “Nakai Anutura nana deseniro nowenakai” asinowenakai ami Yesu noisonua ago ine te nuanekai. Ago wamunonakai, awa nakai Anutura nana me deseniro nowenikaita tepo ni, amira susu gamunonakai.
Otao mamai naso, na potai ge seka zo oko nimorekare gainona. Awa matu, Yesura ge niniwa amira ana niniro tupewewa awa. Oziga ge niniwa awa potai ge matu awa.