1 Yohane 4:9 - Suena

⁹ Anutu meni Mai nuso daimata awa namorekai nuai tamaise iyetinu ose zebura ninua. Amira ana dubara dumi pumai nuso namorekai potinu kei damu ninua awa.

1 Yohane 4:9 ပူးပေါင်းရင်းမြစ်များ

Oziga Ewanana Mak Meni Gaenua 12:6

Ago inoe dowa ema daimata gege buara mama amira nana itinua. Nu mai mata nuso. Nu awa wama nuso. Are nu mai nuso nusokare nana bayaise sero ego senua awa, ‘Nukare mai nasora ge oko damunora.’ Ago sero iyetinu bamunua awa.

Luka 4:18

Tuara Ozana naso nana itia. Awa na ema bogamasare oziga ewanana sanise sero na buara potitinoise Ozana namore potisia. Na ego tugata wanise sero iyetinu muna awa: Nikare benai ema, na nikare besana benai doro bayamunowa. Nikare ema giti moka guma wai, na nikare kora wana noko giti panamunowa. Ema sou bua waya-kawayara nuasara sou wai bua meni nukare beninua amira mui besana doro bayarise, o

Yohane 10:10

Bewana ema nu lama bewana wamu sero, o damu sero, o dero tepo-tapo wamu sero tupewia. Ata nane meni awa lama zamai bamubakere kokopai nuarise sero kei awena awa.

Yohane 14:6

Ago senu Yesu meni ina ego senua awa, “Ebata Mamera nana bayai awa na ewa. Ge me kerenai awa na ewa. Nuai seka potai awa na ewa. Na dainiro Mamera nana kei awai ine oko itia.

Yohane 3:16

Zo nu Anutura Mai tuma diamunoya ami betaise kota, nu nuai me ewanana tamaise sero Anutu meni ema nakai emo duba bayao bamubake inoise Mai nuso daimata potinu osenua awa.

Yohane 3:18

Zo nu Anutura Mai tuma diamunoya ami Anutura kotora ena oko duwamunoya. Zo nu Anutura Mai kaka tuma diamu wamunoya nu ami kotora ena emoko duwia ago ine wamunoya. Nera kota, nu Anutura Mai daimata awa kaka tuma diamu inoya.

Yohane 5:23

Are ema nukare Mama bowi inowera, da ago ine Mai bowi warise. Zo nu Mai bowi kaka wamu wamunoya ami Mama na iyetinua awa dai bowi kaka wamu ago ine inoya.

Yohane 6:29

Ago sewa nu ego senua awa, “Anutura bua ego ewa. Na Anutu meni senu osena, nama awa tuma diwo.”

Yohane 6:51

Nuaira ma utura ena osena na ewa. Are zo nu ma awa namunoya ami nuai gege nuamunoya. Pisi naso meni ma inoya awa. Are erama meni nuai tamarise potamunona.”

Yohane 6:57

Mama nu nuaira Mama ami na senu osena, are nuai na Mamera nana zewai-zawai itawi nowena. Are zo nu na namunoya awa da ago ine nuai nuso naso nana itai nuamunoya.

Yohane 8:29

Nu na senu osena ami namore dai nowia. Be giti bamu awa bua wawena giro ara tapinowia. Are nu na kaka duwamu nowia.” Ago senua awa.

Yohane 8:42

Ago sewa Yesu meni ina ego senua awa, “Mama nisokare Anutu sia, awa nikare na ara tamamewa. Nera kota, na Anutura nana ena muro nowena. Na kotumai nasora oko osena. Anutu meni senu osena.

Yohane 9:3

Ago sewa Yesu meni ina ego senua awa, “Amira oko aewa. Pasina nusorata mia mamera amira oko aewa. Anutu putou nusora susu ami ema emira nana kei awaise ago wenua awa.

Roma 8:32

Nu Mai nuso kaka soyamu nakai emo betaira gegeninua ami nena zamaire dapikarago dago namorekai dirienamunoya.

Hibru 1:5

Anutu meni angelo zo are ego tugata wenu? Ni awa Mai naso. Na zeme Mama niso inona. Agoro zo ego ewa, Na Mama nuso wero nuamunona. Nune Mai naso wero nuaise. Anutu meni ge awa angelo zore kota, Mai nusore senua.

1 Yohane 3:16

Yesu nu nakai emo nuai nuso donua, are dubara dumi pumaira susu ginakai awa. Are nakai da ago ine otao mamai nasokai emo nuai nasokai duanisekai sai awa.

1 Yohane 4:10

Dubara dumi pumaira susu ego ine itia. Nakai Anuture dubara dumi oko pumunakai. Tepo awa. Nune nakai emo dubara dumi pupinoise Mai nuso iyetinu osero pasina nasokaira ina betenua.

1 Yohane 4:16

Anutura dubara dumi nasokai nana kei awenua awa ginakai me wenua. Anutu nu dubara dumi pumai amira mama, are zo nu dubara dumire nuamunoya, awa nu ami Anuture dai tairo nuamunoya. Ago wai Anutu numore dai tairo nuamunoya awa.

1 Yohane 5:11

Susu kereninua awa ego ine itia. Anutu nu nuai me ewanana namorekai potinua. Nuai me ewananara mama awa Mai nuso.

1 Yohane 5:13

Nikare Anutura Mai tuma didinowewa ami ego ninawise sero ge ei awa gainona awa: Nikare nuai me ewanana puro nowewa. Awa gawise sero gainona.