1 Yohane 4:7 - Suena

⁷ Otao mamai naso, nakai dubara dumi ina-pa wanekai. Nera kota, dubara dumi pai awa Anutura nana ena tupewia. Are zo nu dubara dumi pupinowia ami Anutura mai wero nowia. Nu Anutu giro baititinowia.

1 Yohane 4:7 ပူးပေါင်းရင်းမြစ်များ

Yohane 13:34

Are na potai ge seka zo nimorekare potitinona. Dubara dumi ina-pa wewo. Na nikare dubara dumi pumawena nowewa ago ine nitopekare dubara dumi ina-pa inoise noiwo.

Yohane 17:3

Nuai me ewanana amira susu ego itia: Ni Anutu me daimata. Ema iyetisa awa Yesu Kristo awa. Ema bama meni namorege gara me wai nukare nuai me ewanana pumamunora.

1 Korinti 8:3

Zo nu Anutu ara tapinowia nu awa Anutu meni gawi mai nuso inowia awa.

2 Korinti 4:6

Anutu nu gita susura ena zebura mumera ena zasimai kei awaise senu kei awenua da ami senu duba nasora ena zasimai meni zasimunua. Zasimaira susu ego ewa: Na Kristora giti benau gosinoise Anutura simai zasimaire giro baitina awa.

Galata 4:9

Ata zeme nikare Anutu giro baititinowewa. O ego sana te wae. Anutu nikare giro baititinowia awa. Are nena putou teporeta me amu awa nogoro noko kapeteniro sou wamu inowi?

Galata 5:22

Ozana meni me ego ine tamawi kei awinowia awa: dubara dumi pai, duba yawa sarare, bega puro nuai, awa-diaire, dumi yagaba, kora-makora wai, tani me gege inoise nuai,

2 Timotire 1:7

Ago inoise ego kotumuyo: Anutu nu Ozana potitinoise burau wanisekai oko potinua. Putoure dubara dumire duba sienaire dai nuanisekai potinua.

1 Petoro 1:22

Nikare ge me dimuro awinoe dowa dubare ititire nisokare saramunua awa. Awa otao-gamao me wawise ago ine kei awenua awa. Are duba meni me memeka sipuniro baitiro noiwo.

1 Yohane 2:10

Ota zo nu otao nusore dubara dumi pupinowia ami zasimaira nowia. Ago inowia ami pasinara wawa amira kawa nuso nana oko itia.

1 Yohane 2:29

Anutu nu etutiro nowia, nikare ago ninitinowewa, are ema zo da ago etutiro nuai giro ego sewo, “Nu Anutura nana ena kei awai awa.”

1 Yohane 2:3

Are nakai potai ge nuso dimamunonakai, awa nu giro baititinowenakai awa gamunonakai.

1 Yohane 2:4

Ata zo nu potai ge nuso kaka dimamu inoise “Na Anutu gai” asamunoya, awa nu opi sai ema wamunoya. Ema ago ine awa ge me meni duba nusora oko itia.

1 Yohane 2:7

Otao mamai naso, na potai ge seka zo oko nimorekare gainona. Awa matu, Yesura ge niniwa amira ana niniro tupewewa awa. Oziga ge niniwa awa potai ge matu awa.

1 Yohane 3:9

Zo nu Anutura nana ena kei awero nowia ami pasina inoise oko nowia. Nera kota, Anutura nuai nuso nana itia. Nu Anutura nana ena kei awenua, are pasina inoise oko nuamunoya.

1 Yohane 4:11

Otao mamai naso, Anutu nu namorekai dubara dumi bamubake pumunua, are nakai da ago ine dubara dumi ina-pa inoise nuanekai.

1 Yohane 4:12

Zo meni Anutu giti moka nuso meni oko ginua. Ata duba meni dumi ina-pa wamunonakai, awa Anutu nasokai nana nuamunoya. Ago nuai dubara dumi nuso meni nasokai nana kei awero baitamunoya awa.

1 Yohane 4:16

Anutura dubara dumi nasokai nana kei awenua awa ginakai me wenua. Anutu nu dubara dumi pumai amira mama, are zo nu dubara dumire nuamunoya, awa nu ami Anuture dai tairo nuamunoya. Ago wai Anutu numore dai tairo nuamunoya awa.

1 Yohane 4:20

Zo nu “Anuture dubara dumi pupinowena,” asinoise otao nuso iwo inowia ami opi sai ema wero nowia. Zo nu otao nuso giti moka meni gosinowia awa iwo wamunoya ami Anutu giti moka meni kaka gamu inowia amire dubara dumi pai ine tepo awa.

1 Yohane 4:8

Ata zo nu dubara dumi kaka pumamu inowia ami Anutu oko gosinowia. Nera kota, Anutu nu dubara dumi pumai amira mama.

1 Yohane 5:1

Ema zo meni “Yesu nu Kristo” asinoise tuma diamunoya nu ami Anutura nana ena kei awenua asamunowa awa. Zo nu Mamere dubara dumi pamunoya ami da ago awiso nusore pamunoya awa.

2 Yohane 1:5

Are na ge zo sana niniu. Potai ge seka zo kota, matu susura ena niniro tupewenakai da awa sane. Dubara dumi ina-pa inoise nuanekai.